కురుక్షేత్రం వినాయక చవితి రిలీజ్

Published On: August 17, 2018   |   Posted By:

కురుక్షేత్రం వినాయక చవితి రిలీజ్

వినాయక చవితికి రిలీజ్ కానున్న యాక్షన్ కింగ్ అర్జున్ 150వ సినిమా ‘‘కురుక్షేత్రం’’

యాక్షన్ కింగ్ అనగానే వెంటనే గుర్తొచ్చే పేరు అర్జున్. వెండితెరపై మార్షల్ ఆర్ట్స్ కు మంచి గుర్తింపు తెచ్చిన అర్జున్.. ఇమేజ్ నే ఇంటిపేరుగా మార్చుకుని యాక్షన్ కింగ్ గా మారాడు. యాక్షన్ హీరోగా

దక్షిణాది ప్రేక్షకులందరికీ సుపరిచుతుడైన అర్జున్.. ఇప్పుడు తన కెరీర్ లో అత్యంత అరుదైన మైలురాయిని చేరుకున్నాడు. ఆ తరం హీరోలంతా రిటైర్ అవుతోన్న వేళ తను ఏకంగా హీరోగా 150వ సినిమా

చేశాడు. అదే కురుక్షేత్రం. అర్జున్ ఇమేజ్ కు అనుగుణంగా.. అత్యంత స్టైలిస్డ్ యాక్షన్ థ్రిల్లర్ గా తెరకెక్కిన ఈ సినిమాను ఈ వినాయక చవితి సందర్భంగా విడుదల చేయబోతున్నారు.తమిళంలో ‘‘నిబునన్’’ పేరు తో రిలీజై మంచి పేరుతో పాటు కమర్షియల్ కూడా మంచి వసూళ్లు రాబట్టిన ఈ మూవీ అత్యంత

స్టైలిష్ గా తెరకెక్కించాడు దర్శకుడు అరుణ్ వైద్యనాథన్. ప్యాషన్ స్టూడియోస్ సమర్పణలో తెరకెక్కిన ఈ క్రైమ్ థ్రిల్లర్ ను శ్రీ వాడపల్లి వెంకటేశ్వర క్రియేషన్స్ బ్యానర్ మీద శ్రీనివాస్ మీసాల తెలుగులో ఈ వినాయక చవితి సందర్భంగా రిలీజ్ చేయనున్నారు.

యాక్షన్ కింగ్ అర్జున్ తో పాటు ఈ మూవీలో ఇంకా సుమన్, సుహాసిని, ప్రసన్న, వైభవ్, శ్రుతి హరిహరన్ ఇతర పాత్రల్లోనటించారు.

సంగీతంః ఎస్. న‌వీన్. సినిమాటోగ్ర‌ఫీః అర‌వింద్ కృష్ణ‌, ఎడిటింగ్ః స‌తీష్ సూర్య‌. మాటలు- శశాంక్ వెన్నెలకంటి.  స్క్రీన్ ప్లే – ఆనంద్ రాఘవ్ ,అరుణ్ వైద్య నాథ‌న్. క‌థ‌,ద‌ర్శ‌క‌త్వం – అరుణ్ వైద్య నాథ‌న్. నిర్మాత – శ్రీనివాస్ మీసాల, ఫ్యాషన్ స్టూడియోస్.శ్రీ వాడపల్లి వెంకటేశ్వర క్రియేషన్స్.

,