కుల వ్యవస్థ మీద కులం పేరుతో జరుగుతున్న అన్యాయాలు అక్రమాల మీద ఇప్పటి వరకూ ఎన్నో సినిమాలు వచ్చాయి. ఇప్పుడు కర్ణన్ కూడా కుల వ్యవస్థ మీద వచ్చిన సినిమానే. దాదాపు 24 ఏళ్ల క్రితం తమిళనాడులోని ఒక గ్రామంలో జరిగిన నిజ జీవిత సంఘటనల ఆధారంగా దర్శకుడు మారి సెల్వరాజ్ ఈ సినిమా తీశాడు. అయితే ఇలాంటి దారుణ సంఘటనలు జరిగాయి. కులం పేరుతో ఎంతో మందిని అన్యాయంగా చంపేశారు అని తెలిసినప్పుడు మనం అవి చదివి లేదా చూసి అయ్యో అనుకుని బాధ పడతాం. ఈ సినిమా చూసినప్పుడు కూడా తక్కువ కులం వాళ్ళు అయినందుకు ఆ ఊరి ప్రజలు ఇంత నరకం అనుభవించారు. ఏకంగా తమ జీవితాలనే కోల్పోయారు అన్నది చూసినప్పుడు గుండెలో కలుక్కుమంటుంది.తన ఊరి ప్రజల కష్టాలు వాళ్ళ జీవితాల గురించి అసలేం పట్టించుకోకుండా కర్ణన్ చాలా సాధారణ యువకుడి మాదిరే ఊర్లో తమ కుటుంబంతో ఉంటాడు . కానీ చివరకు అతని ఓపిక నశించి తమకు జరుగుతున్న అన్యాయాల మీద తిరగబడతాడు.  అలా తిరగబడితే ఊరికి ఏం చెడు జరుగుతుందో అని ఊరి జనం భయపడితే పోరాడితే పోయేదేమీ లేదు. ఈ బానిస బతుకులు తప్పా అని వాళ్లకు ధైర్యం నూరిపోసి పోలీసులతో యుద్ధానికి సిద్ధం చేస్తాడు.

ఆ తర్వాత అనుకోకుండా కర్ణన్ కు ఆర్మీలో జాబ్ రావడం జరుగుతుంది. దాంతో  ఊరి వాళ్ళు అంతా ఈరోజుకి అయినా మన ఊరి వాడికి గవర్నమెంట్ ఉద్యోగం వచ్చింది వెళ్ళమని కర్ణన్ ను పంపిస్తారు.  అదే సమయంలో పోలీసులు వచ్చి ఊరి వాళ్ళను హింసిస్తూ ఉంటే లాల్ పాత్ర కిరోసిన్ పోసుకుని సజీవ దహనం చేసుకుంటాడు. ఆ విషయం తెలిసి కర్ణన్ తన ఊరికి తిరిగి వచ్చి పోలీసులతో ఫైట్ చేసి చివరకు ఒక పెద్ద పోలీస్ ఆఫీసర్ ను కత్తి తో గొంతు కోసి చంపేస్తాడు. ఆ తర్వాత 10 సంవత్సరాలు జైలు శిక్ష అనుభవించి కర్ణన్ ఊరికి తిరిగి వస్తుంటే తమ ఊరి వాళ్ళ బ్రతుకులు మారాయి. ఇప్పుడు బస్ తమ ఊరి దగ్గర కూడా ఆగుతుంది అని తన అక్కయ్య రాసిన లెటర్ చదువుకోవడం చేస్తాడు.  ఊరికి రావడం, అక్కడ పోలీసుల దాడిలో మరణించిన ఊరి వాళ్లకు నివాళి అర్పించి ఇక దుఖం పక్కనపెట్టి డాన్స్ చేస్తూ ఉంటే సినిమా ఎండ్ అవుతుంది.

ఎవరెలా చేసారు..

తన పాత్రలో ధనుష్ దాదాపు జీవించాడు అనే చెప్పాలి. ముందు ఆవారగా తిరిగే కుర్రాడిగా ఆ తర్వాత ఊరి కోసం ఏం చేయడానికైనా సిద్ధపడే యువకుడిగా తన నటన ప్రేక్షకులతో క్లాప్స్ కొట్టిస్తాడు.ఇక లాల్ పాత్ర హీరో అక్క, ఊర్లో కర్ణన్  ప్రేమించే ద్రౌపది గా రజిష విజయన్ ,పోలీస్ ఆఫీసర్ గా చేసిన వ్యక్తి ఇలా సినిమాలో అందరూ తమ పాత్రలకు వందశాతం న్యాయం చేశారు.

టెక్నికల్ గా..

కెమెరా పనితనం బాగుంది, ఆర్ట్ డైరెక్షన్ ప్రొడక్షన్ వాల్యూస్ బాగున్నాయి.ఈ  సినిమాలో మరొక గొప్ప డిపార్ట్ మెంట్ సంగీతం సంతోష్ నారాయణ్ తన మ్యూజిక్ తో దాదాపు చాలా సీన్స్ ను మరొక లెవెల్ కు తీసుకు వెళ్లాడు  దర్శకుడు మారి సెల్వరాజ్ గురించి ఎంత చెప్పుకున్నా తక్కువే అతను సినిమాలో ప్రతి పాత్రను ప్రతీ సీన్ ను ఎంత ప్రేమించి చేశాడు అన్నది మనకు తెరపై కనిపిస్తూనే ఉంటుంది. సినిమా చూసిన చాలా సేపటి వరకు కూడా సినిమాలో కొన్ని పాత్రలు మనల్ని వెంటాడుతూనే ఉంటాయి.

హైలైట్స్ :

ధనుష్ యాక్టింగ్
,సపోర్టింగ్ యాక్టర్స్

డైరెక్షన్,
మ్యూజిక్

మైనస్ పాయింట్స్ :

ఎంటర్ టైన్మెంట్ లేకపోవడం

స్లో నేరేషన్

చూడచ్చా :