దొంగలున్నారు జాగ్రత్త చిత్రం షూటింగ్ ప్రారంభం
టాలెంటెడ్ యంగ్ హీరో శ్రీ సింహా కొడూరి రెండు చిత్రాలతోనే తెలుగు ప్రేక్షకుల్లో న‌టుడిగా మంచి గుర్తింపును తెచ్చుకున్నారు. ప్ర‌స్తుతం శ్రీ సింహా కొడూరి హీరోగా న‌టిస్తోన్న మూడ‌వ చిత్రం `దొంగలున్నారు జాగ్రత్త`. ఈ సినిమా షూటింగ్ సెప్టెంబర్ 18 న ప్రారంభ‌మైందని అధికారికంగా ప్ర‌క‌టించారు చిత్ర యూనిట్‌.
చిత్రయూనిట్ సరైన అనౌన్స్‌మెంట్‌తో ప్రేక్షకుల్లో ఒక ప్ర‌త్యేక‌మైన ముద్ర వేశారు. ఈ సంద‌ర్భంగా రిలీజ్ చేసిన ప్రమోషనల్ వీడియో అందరినీ ఆకట్టుకుంటోంది. ఇందులో ఓ మెమోరీ కార్డును దొంగలించడం గురించి ఉంది. దాన్ని బట్టి సినిమా కథ ఏంటి? హీరో పాత్ర ఎలా ఉంటుందనేది ఇంట్రెస్టింగ్‌గా అనిపిస్తోంది. ఇక ఈ వీడియోలోనే సాంకేతిక బృందాన్ని కూడా పరిచయం చేశారు.
సముద్రఖని లాంటి అద్భుతమైన నటుడు ముఖ్యమైన పాత్రలో కనిపించనున్నారు. ప్రీతి అస్రాని హీరోయిన్‌గా నటిస్తోంది. సురేష్ ప్రొడక్షన్స్, గురు ఫిల్మ్స్ బ్యానర్లపై సురేష్ బాబు, సునీత తాటి సంయుక్తంగా నిర్మిస్తోన్న ఈ సినిమాకు సతీష్ త్రిపుర ద‌ర్శ‌కుడు. రోహిత్ కులకర్ణి సంగీత దర్శక‌త్వం వ‌హిస్తుండ‌గా యశ్వంత్ సీ కెమెరామెన్‌గా వ్యవహరిస్తున్నారు. గ్యారీ బీహెచ్ ఎడిటర్.
తారాగ‌ణం: శ్రీ సింహా కోడూరి, సముద్రఖని, ప్రీతి అస్రాని
సాంకేతిక వ‌ర్గం:
ప్రొడక్షన్ కంపెనీ: సురేష్ బాబు, గురు ఫిల్మ్స్
నిర్మాత: డి సురేష్ బాబు, సునిత తాటి
డైరెక్టర్: సతీష్ త్రిపుర
కెమెరామెన్: యశ్వంత్ సీ
సంగీతం: రోహిత్ కులకర్ణి
ఆర్ట్: గాంధీ నడికుడికర్
ఎడిటర్: గ్యారీ బీహెచ్
