పుష్ప: ది రైజ్ చిత్రం లిరికల్ సాంగ్ విడుదల

Published On: October 13, 2021   |   Posted By:

పుష్ప: ది రైజ్ చిత్రం లిరికల్ సాంగ్ విడుదల

పుష్ప: ది రైజ్’ నుంచి రష్మిక మందన్న ‘శ్రీ వల్లి’ లిరికల్ సాంగ్ కు అనూహ్య స్పందన.

నిను చూస్తూ ఉంటే కన్నులు రెండు తిప్పేస్తావే..నీ చూపుల పైనే రెప్పలు వేసి కప్పేస్తావే..అంటూ సాగే పుష్ప లిరికల్ సాంగ్ విడుదలైంది.

అల వైకుఠ‌పురంలో లాంటి ఇండస్ట్రీ హిట్ తర్వాత ఐకాన్ స్టార్ అల్లు అర్జున్ హీరోగా రంగస్థ‌లం‌ లాంటి ఇండస్ట్రీ హిట్ తర్వాత క్రియేటివ్ డైరెక్టర్ సుకుమార్ ద‌ర్శ‌క‌త్వంలో తెరకెక్కుతున్న సినిమా పుష్ప. ఆర్య‌, ఆర్య‌ 2 సినిమాల తర్వాత హ్యాట్రిక్ చిత్రంగా పుష్ప సినిమా వస్తుంది.

ఈ సినిమాను రెండు భాగాలుగా తెరకెక్కిస్తున్నారు సుకుమార్. ఇందులో మొదటి భాగం పుష్ప: ది రైజ్ క్రిస్మస్ కానుకగా విడుదల కానుంది.

వ‌రుస బ్లాక్‌బ‌స్ట‌ర్ చిత్రాలతో ప‌వ‌ర్ ప్యాక్డ్  ప్రొడ‌క్ష‌న్ హౌజ్‌గా టాలీవుడ్‌లో గుర్తింపు తెచ్చుకున్న మైత్రి మూవీ మేకర్స్, మ‌రో నిర్మాణ సంస్ధ‌ ముత్తంశెట్టి మీడియాతో క‌లిసి నిర్మిస్తున్నారు. ఈ చిత్రానికి సంబంధించి ఇప్పటి వరకు విడుదలైన ప్రతీ అప్‌డేట్ కూడా సోషల్ మీడియాలో సంచలనం రేపింది.

 

ఇప్పటికే విడుదలైన ఫస్ట్ లుక్, టీజర్, దాక్కో దాక్కో మేక పాటకు మంచి రెస్పాన్స్ వచ్చింది. ఈ సినిమాలో ప్రతినాయకుడిగా జాతీయ అవార్డు గ్ర‌హిత, మ‌ళ‌యాలీ స్టార్ హీరో ఫహాద్ ఫాజిల్ నటిస్తున్నారు. తాజాగా రష్మిక మందన్న శ్రీవల్లి పాట విడుదల చేశారు మేకర్స్. రష్మిక మందన్నపై చిత్రీకరించిన శ్రీవల్లి పాటకు అనూహ్య స్పందన వస్తుంది. సెన్సేషనల్ సింగర్ సిద్ శ్రీరామ్ ఈ పాటను ఆలపించారు. ఈ పాటలో ఐకాన్ స్టార్ అల్లు అర్జున్ కూడా అద్భుతంగా ఉన్నారు. ఈ మధ్యే విడుదలైన రష్మిక మందన్న ఫస్ట్ లుక్‌కు అద్భుతమైన స్పందన వచ్చింది. పూర్తిగా డీ గ్లామర్ లుక్ లో కనిపిస్తున్నారు రష్మిక మందన్న. సినిమాకు సంబంధించిన మరిన్ని వివరాలు త్వరలోనే తెలియజేయనున్నారు చిత్రయూనిట్.

నిను చూస్తూ ఉంటే కన్నులు రెండు తిప్పేస్తావే..
నీ చూపుల పైనే రెప్పలు వేసి కప్పేస్తావే..
కనిపించని దేవున్ని కన్నార్పక చూస్తావే..
కన్నుల ఎదుటే నేనంటే కాదంటున్నావే..

చూపే బంగారమాయనే.. శ్రీవల్లి..
మాటే మాణిక్యమాయనే..
చూపే బంగారమాయనే.. శ్రీవల్లి..
నవ్వే నవరత్నమాయనే..

అన్నిటికీ ఎప్పుడూ ముందుండే నేను..
నీ వెనకే ఇపుడూ పడుతూ ఉన్నాను..
ఎవరికీ ఎప్పుడూ తలవంచని నేను..
నీ పట్టి చూసేటందుకు తలనే వంచాను..
ఇంత బతుకు బతికి నే.. నీ ఇంటి చుట్టూ తిరిగానే..
ఇసుమంతా నన్ను చూస్తే చాలు చాలనుకున్నానే..

చూపే బంగారమాయనే.. శ్రీవల్లి..
మాటే మాణిక్యమాయనే..
చూపే బంగారమాయనే.. శ్రీవల్లి..
నవ్వే నవరత్నమాయనే..

నీ స్నేహితురాళ్ళు ఓ మోస్తరుగా ఉంటారు..
అందుకనేమో నువ్వు అందంగా ఉంటావు..
18 ఏళ్ళు వచ్చాయా చాలు.. నువ్వే కాదెవ్వరైనా ముద్దుగా ఉంటారు..
ఎర్రచందనం చీరకడితే రాయి కూడా రాకుమారే..
ఏడురాళ్ల దుద్దులు పెడితే ఎవతైన అందగత్తే..
అయినా..

చూపే బంగారమాయనే.. శ్రీవల్లి..
మాటే మాణిక్యమాయనే..
చూపే బంగారమాయనే.. శ్రీవల్లి..
నవ్వే నవరత్నమాయనే..

నటీనటలు:
అల్లు అర్జున్, రష్మిక మందన్న, ఫహాద్ ఫాజిల్, ధనుంజయ్, సునీల్, రావు రమేష్, అజయ్ ఘోష్, అనసూయ భరద్వాజ్ తదితరులు

టెక్నికల్ టీం:
దర్శకుడు: సుకుమార్
నిర్మాతలు: నవీన్ ఏర్నేని, వై రవిశంకర్
కో ప్రొడ్యూసర్స్: ముత్తంశెట్టి మీడియా
సినిమాటోగ్రఫర్: మిరోస్లా క్యూబా బ్రోజెక్
సంగీతం: దేవి శ్రీ ప్రసాద్
ఆర్ట్ డైరెక్టర్: S. రామకృష్ణ – మోనిక నిగొత్రే
ఎడిటర్: కార్తిక శ్రీనివాస్ R
ఫైట్స్: రామ్ లక్ష్మణ్, పీటర్ హెయిన్
లిరిసిస్ట్: చంద్రబోస్
బ్యానర్స్: మైత్రి మూవీ మేకర్స్ అసోసియేషన్ విత్ ముత్తంశెట్టి మీడియా