సిండ్రెల్లా చిత్రం టీజ‌ర్ విడుద‌ల
రాయ్‌ల‌క్ష్మి `సిండ్రెల్లా` టీజ‌ర్ విడుద‌ల
ద‌క్షిణాదితో పాటు బాలీవుడ్‌లోనూ హీరోయిన్‌గా గుర్తింపు సంపాదించుకున్న గ్లామ‌ర్ డాల్ `రాయ్‌ల‌క్ష్మి ద్విపాత్రాభిన‌యం చేసిన చిత్రం `సిండ్రెల్లా`. త‌మిళంలో విజ‌య‌వంత‌మైన ఈ చిత్రాన్ని మ‌ల్టీ కలర్ ఫ్రేమ్స్, ఎస్‌.ఎస్‌.ఐ ప్రొడ‌క్ష‌న్‌ బ్యాన‌ర్స్‌పై తెలుగులో మంచాల రవికిరణ్ `సిండ్రెల్లా` పేరుతోనే ప్రేక్ష‌కుల‌కు అందిస్తున్నారు. ఎం.ఎన్‌.రాజు ఈ చిత్రానికి స‌హ నిర్మాత.
ఎస్‌.జె.సూర్య ద‌గ్గ‌ర ద‌ర్శ‌క‌త్వ శాఖ‌లో ప‌నిచేసిన విను వెంకటేశ్ ఈ చిత్రానికి ద‌ర్శ‌క‌త్వం వ‌హించారు. ఈ సినిమా టీజ‌ర్‌ను ఆదివారం విడుద‌ల చేశారు. హార‌ర్ ఫాంట‌సీ, మ‌ర్డ‌ర్ మిస్ట‌రీ నేప‌థ్యంలో తెర‌కెక్కిన ఈ సినిమా టీజ‌ర్‌కి చాలా మంచి రెస్పాన్స్ వ‌చ్చింది.
స‌ర్కార్ 3, కిల్లింగ్ వీర‌ప్ప‌న్ చిత్రాల‌కు కెమెరామెన్‌గా వ‌ర్క్ చేసిన ర‌మ్మీ ఈ సినిమా సినిమాటోగ్రఫీ అందించారు. కాంచ‌న 2 చిత్రానికి సంగీతాన్ని అందించిన అశ్వామిత్ర ఈ చిత్రానికి సంగీతం అందిస్తున్నారు. అలాగే గేమ్ ఓవ‌ర్ చిత్రానికి సౌండ్ డిజైన్ చేసిన సచిన్ ఈ చిత్రానికి చేసిన సౌండ్ డిజైనింగ్ హైలైట్ కానుంది.
త్వ‌ర‌లోనే ఈ సినిమాను తెలుగులో విడుద‌ల చేయ‌డానికి స‌న్నాహాలు చేస్తున్నామ‌ని నిర్మాత మంచాల రవికిరణ్, స‌హ నిర్మాత ఎం.ఎన్‌.రాజు తెలిపారు.
న‌టీన‌టులు:
రాయ్ ల‌క్ష్మి, రోబో శంక‌ర్‌, అభిన‌య, అర‌వింద్ ఆకాశ్‌, సాక్షి అగ‌ర్వాల్‌, వినోద్‌, అన్బు త‌దిత‌రులు
సాంకేతిక వ‌ర్గం:
బ్యాన‌ర్‌: మ‌ల్టీ కలర్ ఫ్రేమ్స్
ర‌చ‌న, ద‌ర్శ‌క‌త్వం: విను వెంకటేశ్
నిర్మాత: మంచాల రవికిరణ్
కో ప్రొడ్యూస‌ర్‌: ఎం.ఎన్‌.రాజు
సినిమాటోగ్రాఫ‌ర్‌: ర‌మ్మీ
మ్యూజిక్‌: అశ్వామిత్ర
సౌండ్ డిజైనింగ్: సచిన్(సింక్ సినిమాస్‌)
