Thandel Movie Release on 7th Feb
తండేల్ చిత్రం విడుదల తేదీ ఖరారు
అక్కినే నాగచైతన్య ప్రధాన పాత్రలో నేచురల్ స్టార్ సాయి పల్లవి హీరోయిన్ గా, గీతా ఆర్ట్స్ బ్యానర్ పై బన్ని వాస్ నిర్మిస్తున్న తాజా చిత్రం తండేల్. అల్లు అరవింద్ సమర్పిస్తున్న ఈ చిత్రాన్ని కార్తికేయ ఫేమ్ చందు మొండేడి దర్శకత్వం వహిస్తున్నారు. గత ఏడాది నుంచి ఈ చిత్రానికి సంబంధించి ఏదో విషయం ఇండస్ట్రి సర్కిల్ లో చక్కర్లు కొడుతున్నా ఇప్పటి వరకు ఒక గ్లింప్స తప్పా ఏ అప్డేడ్ రాలేదు. ఈ తరుణంలో ఈ సినిమా సంక్రాంతి బరిలో వస్తుంది అని సోషల్ మీడియాలో వార్తలు వైరల్ అవుతున్నాయి. వాటిన్నింటికి చెక్ పెడుతూ తాజాగా తండేల్ మూవీ టీమ్ రిలీజ్ డేట్ అనౌన్స్ మెంట్ ఈవెంట్ ను నిర్వహించి సినిమా ఫిబ్రవరి 7 న ప్రేక్షకుల ముందుకు వస్తుందని చెప్పారు.
ఈ సందర్భంగా ప్రముఖ నిర్మాత, గీతా ఆర్ట్స్ అధినేత అల్లు అరవింద్ మాట్లాడుతూ… ఈ సినిమాను మొదలు పెట్టినప్పుడు మొదట డిసెంబర్ 28న విడుదల చేయాలని అనుకున్నాము, ఆ తరువాత సంక్రాంతి కానుకగా జనవరి 28న రావాలని కొంతమంది శ్రేయోభిలాషులు సూచించారు. సంక్రాంతికి ఎప్పుడూ పెద్ద సినిమాలు వస్తుంటాయి. ఆ తేది కోసం చాలా సినిమాలు ఉన్నాయి. అన్ని ఆలోచించి ఫిబ్రవరి 7ను ఫైనల్ చేయడం జరిగింది. ఆ వారం అంతా కుర్రాళ్లు చాలా హూషారుగా ఉంటారు. నెలలో ఫస్ట్ వీక్ కాబట్టి జాబ్ చేసే వారికి కూడా ఫైనాన్షియల్ ఇబ్బందులు ఉండవు, వీటికి తోడు సినిమా కంటెంట్ కూడా చాలా బాగుందని ఆ నమ్మకంతోటే సినిమాను కాస్త లేట్ అయినా పర్లేదు అని ఫిబ్రవరి 7న ప్రేక్షకుల ముందుకు తీసుకొస్తున్నామని అల్లు అరవింద్ చెప్పారు.
తండే చిత్రం నిర్మాత బన్నివాస్ మాట్లాడుతూ.. 2011లో 100 పర్సెంట్ లవ్ సినిమాతో నాగచైతన్య నాకు నిర్మాతగా అవకాశం ఇచ్చారు. మంచి బ్లాక్ బస్టర్ హిట్ కొట్టాము. ఇన్నేళ్ల తరువాత మళ్లీ కలిసి పనిచేస్తున్నాము. ఈసారి ఆయను గిఫ్ట్ ఇస్తానని, ఎలాగైనా తండేల్ చిత్రాన్ని వంద కోట్ల క్లబ్ లో నిల్చోబెడుతా అన్నారు. శ్రీకాకులం కోస్టల్ ఏరియా ప్రాంతంలో ఈ సినిమా షూటింగ్ కోసం నాగచైతన్య చాలా కష్టపడ్డారని, ఎంతో సాహసమైన షాట్స్ చేశారని పేర్కొన్నారు. ఈ సినిమా ఎలాగైనా ప్రేక్షకులకు నచ్చాలని డైరెక్టర్ చందు మొండేడి కూడా చాలా శ్రమించారని చెప్పారు. క్వీన్ ఆఫ్ బాక్స్ ఆఫీస్ సాయి పల్లవి నటనతో అందరిని కట్టిపడేస్తుంది. ఆమె కనిపిస్తే వెండితెర బంగారు తెర అవుతుందని చెప్పారు.
ముందు ఈ కథ అనుకున్నప్పుడు నాగచైతన్య చేస్తారా లేదా అనే అనుమానం ఉందని డైరెక్టర్ చందు మొండేటి పేర్కొన్నారు. ఏ కష్టం తెలియకుండా పెరిగిన నాగచైతన్య ఎండలో, నీళ్లలో మత్స్యకారుల జీవితాలను పోషించాలి, ఆయన్ను ఎలా చూపించాలి అనే ఆలోచన ఉండేది కానీ చైతన్య చాలా సులువుగా చేశారు. నేను అనుకున్నదాని కంటే కూడా ఎక్కువ కష్టపడ్డారు అని చెప్పారు. సినిమా కచ్చితంగా అందరికి నచ్చుతుందని చెప్పారు.
నాగ చైతన్యతో పని చేయడం చాలా సంతోషంగా ఉందని సాయి పల్లవి చెప్పారు. గీతా ఆర్ట్స్ అంటే తన ఇంటిలానే భావిస్తానని చెప్పారు. సినిమా కోసం యూనిట్ అంతా ఎంతో కష్టపడ్డామని సినిమా అందరికీ నచ్చుతుందని చెప్పారు. ఇక చైతన్య రెండు సంవత్సరాల నుంచి ఇదే సినిమా కోసం పని చేస్తున్నారని అలా ఒకే సినమా కమిట్ అయి పని చేయడం చాలా గ్రేట్ అని పేర్కొన్నారు.
నాగచైతన్య మాట్లాడుతూ.. ప్రతీ సినిమాకు రిలీజ్ డేట్ ఎప్పుడో తెలుసుకొని దాని తగ్గట్లు ప్లాన్ చేసుకోవడం అలవాటు. అలానే తండేల్ సినిమా ఎప్పుడూ అని విడుదల చేస్తున్నారని అరవింద్ ను అడిగాను, ఆయన సినిమా చూశాక చెబుతా అని చెప్పారు. మాట ప్రకారం సినిమా చూశాక ఫిబ్రవరి 7న థియేటర్లకు వస్తే బాగుంటుందని చెప్పారు. సినిమా విడుదల రోజు అక్కినేని అభిమానుల అందరూ కచ్చితంగా గర్వపడుతారని చెప్పారు. సినిమా విడుదల తేదీ ప్రకటించాము కాబట్టి మీడియా, అభిమానులు, ప్రేక్షకులతో టచ్ లో ఉంటామని నాగచైతన్య పేర్కొన్నారు.
Cast and Crue
Movie: Thandel
Cast : Nagachaithanya, Sai Pallavi
Director : Chandu Mondeti
Producer : Bunny Vaas
Music Director : Devi Sree Prasad
Editor : Naveen Nooli
Cinematographer : Shamdat Sainudeen
Banner : Geetha Arts
