Daaku Maharaj Teaser Launch
డాకు మహారాజు టీజర్ లాంచ్
నందమూరి బాలకృష్ణ, దర్శకుడు బాబీ కాంబినేషన్ లో వస్తున్న NBK109 టైటిల్, టీజర్ ఈ రోజు విడుదలైంది. సితార ఎంటర్‌టైన్‌మెంట్స్‌ పతాకంపై నాగవంశీ, సౌజన్య సంయుక్తంగా నిర్మిస్తున్న చిత్రం డాకు మహారాజ్. దీనికి సంబంధించిన కార్యక్రమాన్ని ఈ రోజు చిత్ర బృందం నిర్వహించారు. ఈ సందర్బంగా ప్రొడ్యూసర్ నాగవంశి, డైరెక్టర్ బాబీ కొల్లి, మ్యూజిక్ డైరెక్టర్ తమన్ పాల్గొన్నారు.
టీజర్ చూసినట్లైతే.. ఈ కథ వెలుగుని పంచే దేవుళ్లది కాదు. చీకటిని శాసించే రాక్షసులది కాదు. ఆ రాక్షసులను ఆడించే రావణుడిదీ కాదు. ఈ కథ రాజ్యం లేకుండా యుద్ధం చేసిన ఒక రాజుది. గండ్ర గొడ్డలి పట్టిన యమధర్మరాజుది. మరణాన్నే వణికించిన మహారాజుది అనే వాయిస్ ఓవర్ తోొ ఈ టీజర్ స్టార్ట్ అవుతుంది. ఈ టీజర్ లో బాలకృష్ణకు ఒకే ఒక డైలాగ్ ఉంది. గుర్తుపట్టావా.. డాకు మహారాజ్ అంటూ బాలయ్య చెప్పే డైలాగ్ బాగుంది. ముఖ్యంగా టీజర్ విజవల్ పరంగా అద్భుతంగా ఉంది.
ఈ సందర్భంగా మీడియా అడిగిన ప్రశ్నలకు టీమ్ మెంబర్స్ సమాధానం చెప్పారు. సినిమాను సంక్రాంతికి తీసుకువారాడానికి వెనుక కారణం అంటూ ఏం లేదని, ముఖ్యంగా బాలయ్య బాబు సినిమా అంటే పండుగకు వస్తే బాగుంటుందని ప్రేక్షకులు భావిస్తారు వారి కోసమే అన్నట్లు నిర్మాత నాగవంశి చెప్పారు. సినిమాలో బాలయ్య లుక్ చాలా బాగుంటుందని, ఆయన చెప్పే డైలాగ్స్ కానీ యాక్షన్ సీన్స్ కానీ చాలా కొత్తగా ఉంటాయని డైరెక్టర్ బాబి చెప్పారు. ఎన్ని సినిమాలకు పని చేస్తున్నా ప్రోడ్యూసర్ కు నచ్చినట్లు పనిచేయడమే నాకు తెలిసింది అని మ్యూజిక్ డైరెక్టర్ తమన్ పేర్కొన్నారు.
ఇది కేవలం టైటిల్ రివీల్ అండ్ గ్లింప్స్ మాత్రమే అని ఈ సినిమాకు చాలా ఈవెంట్ లు ప్లాన్ చేశామని అన్ని విషయాలు చెప్తాను అని బాబీ అన్నారు. అలాగే ఈ సినిమాలో బాలయ్య ఎలాంటి డూప్ లేకుండా పని చేశారు. ఆయన వ్యక్తిత్వానికి ఎవరికైనా ఫిదా కావాల్సిందే అని బాబి చెప్పారు. ఇక ఇంటర్వెల్ బ్యాంగ్ లో వచ్చే బాబీ డియేలో, బాలకృష్ణ సీన్ చాలా బాగుంటుందని నిర్మాత నాగవంశి చెప్పారు. అలాగే డాకు మహారాజ్ అని పేరు పెట్టడాానికి కారణం ఈ సినిమా చేస్తే అర్థం అవుతుందని చెప్పారు. బాలయ్య అభిమానులకు ఇది సూపర్ మీల్ కాబోతుంది అని డైరెక్టర్ బాబి చెప్పారు.
