will Pushpa 2 Beat The Pushpa Collections
పుష్ప కలెక్షన్ల సునామిని పుష్ప2 మించనుందా
పుష్ప అంటే ఫ్లవర్ కాదు ఫైర్ అంటూ బాక్స్ ఆఫీస్ వద్ద ప్రకంపనాలు సృష్టించింది పుష్ప ది రైజ్ మూవీ. క్రియేటీవ్ డైరెక్టర్ సుకుమార్ ఐకాన్ స్టార్ అల్లు అర్జున్ కాంబినేషన్ లో తెరకెక్కిన పుష్ప చిత్రం పాన్ ఇండియా భాషల్లోనే కాదు అంతర్జాతీయంగా కూడా అదరగొట్టింది. ఈ సక్సెస్ తో అల్లు అర్జున్ మార్కెట్ అమాంతం పెరిగిపోయింది. ఎవరు ఊహించని కలెక్షన్లను రాబడుతూ అందరిని ఉక్కిరిబిక్కిరి చేసింది. ఈ చిత్రం తరువాత అల్లు అర్జున్ సైతం మరో సినిమాకు కమిట్ అవకుండా పుష్ప 2 కోసం మాత్రమే కసరత్తు చేశారు. సినిమా విడుదలై ఇప్పటికీ మూడు సంవత్సరాలు దగ్గరకు వస్తుంది. అయినా పుష్ప2 చిత్రంపై ఆసక్తి పెరుగుతుంది తప్పా తగ్గడం లేదు. దీనికి తగ్గట్టుగానే ఈ చిత్రం నుంచి విడుదలయ్యే అప్డేట్స్ కూడా అంచనాలను పెంచేలా ఉన్నాయి.
ఏ మాత్రం ఊహించకుండా వచ్చినా పుష్ప పార్ట్ ఎన్ని కలెక్షన్లను రాబట్టిందో తెలుసు, మరి ఎన్నో అంచనాలతో వస్తున్న పుష్ప2 ఆ కలెక్షన్లను దాటనుందా అనేది మరి కొద్ది రోజుల్లో తెలుస్తుంది. అయితే పుష్ప2 టార్గెట్ ఎంతో తెలుసుకునే ముందు పార్ట్ సాధించిన బాక్స్ ఆఫీస్ వసుళ్లను చూద్దాం. మాములుగా రెండు తెలుగు రాష్ట్రాల్లో పెద్ద సినిమాలు విడుదలైన వారం రోజుల వరకు టికెట్ రేట్లను పెంచుకునే అవకాశం ఉంది. అయితే పుష్ప చిత్రం విడుదలైనప్పుడు తెలంగాణ రాష్ట్రంలో టికెట్ రేట్లను పెంచారు కానీ ఆంధ్రప్రదేశ్ లో టికెట్ రేట్లు పెంచలేదు. దాంతో వసుళ్లు కాస్త తగ్గినట్లు ట్రేడ్ పండితులు విశ్లేషించారు. అయితే సినిమా క్లోజింగ్ కలెక్షన్ల విషయం చూస్తే.. రెండు తెలుగు రాష్ట్రాలలో రూ. 131.50 కోట్ల గ్రాస్ సాధించగా, రూ. 83.60 కోట్ల షేర్ సాధించింది. ఇక ప్రపంచవ్యాప్తంగా రూ. 185 కోట్ల గ్రాస్ సాధించగా రూ. 110.08 కోట్ల షేర్ సాధించింది. ఇవి కేవలం తెలుగు భాషలో విడుదులైన పుష్ప సినిమా కలెక్షన్లు మాత్రమే.
తెలుగుతో పాటు పాన్ ఇండియా లాంగ్వేజ్ లో విడుదలైంది కాబట్టి ఆయా భాషల్లో సైతం భారీగానే కలెక్షన్లను రాబట్టింది. ఇక పుష్ప2 సినిమా డిసెంబర్ 5న విడుదలకు సిద్దం అవుతుంది కాబట్టి టీమ్ అంతా ప్రమోషన్లలో బిజీగా ఉన్నారు. పాట్నలో జరిగిన ఈవెంట్ గ్రాండ్ సక్సెస్ అయింది. అలాగే చెన్నైలో కూడా పుష్ప2 ఈవెంట్ విజయవంతం అయింది. ఇక తెలుగులో ప్రీ రిలీజ్ ఈవెంట్ కోసం అల్లు అర్జున్ అభిమానులు ఎంతో ఆసక్తితో ఎదురుచూస్తున్నారు. ఇప్పటికే విడుదలైన ట్రైలర్ అందరి అంచనాలను పెంచింది. అలాగే రాక్ స్టార్ డీఎస్పీ అందించిన మ్యూజిక్ అందరిని ఆకట్టుకుంటుంది. ఇప్పటికే ప్రీబిజెనెస్ పూర్తి చేసుకున్న పుష్ప 2 ఎంత కలెక్షన్లను రాబడుతుంది అనేది అందరిలో ఉత్సుకతను రగిలిస్తుంది. ఈ సినిమాతో అల్లు అర్జున్ కెరీర్ పీక్స్ వెళ్తుంది అని ఆయన అభిమానులు భావిస్తున్నారు. సినిమా విడుదల తేదీ దగ్గర్లోనే ఉంది కాబట్టి పుష్ప రూలింగ్ ఎలా ఉంటుందో, ఎంత వసూల్ చేస్తుందో చూడాలి.
