Madhagajaraja Movie Press Meet
మదగజరాజ మూవీ ప్రెస్ మీట్
విశాల్ హీరోగా నటించిన మదగజరాజ చిత్రం సంక్రాంతి కానుకగా తమిళంలో విడుదలై ఘనవిజయం సాధించింది. ఈ సినిమా తెలుగులో డబ్బింగ్ చేసి విడుదల చేస్తున్నారు. సుందర్ సి దర్శకత్వం వహించిన ఈ సినిమాను 12 సంవత్సరాల క్రితం మొదలు పెట్టారు. ఆర్థికపరమైన ఇబ్బందులు కారణంగా పుష్కరం కాలం తరువాత విడుదలైంది. ఇన్ని సంవత్సరాల తరువాత విడుదలైన ఈ చిత్రం ఘన విజయం సాధించడంతో ఆగిపోయిన చాలా సినిమాలకు ఊపిరి పోసినట్లైంది. తాజాగా ఈ చిత్రానికి సంబంధించిన తెలుగు ప్రెస్ మీట్ నిర్వహించారు. దానిలో భాగంగా హీరోయిన్స్ అంజలి, వరలక్ష్మీ శరత్ కుమార్, ప్రొడ్యూసర్ కిరణ్ తదితరులు పాల్గొన్నారు.
ఈ సందర్భంగా ప్రొడ్యూసర్ కిరణ్ మాట్లాడుతూ.. ఇన్నాళ్లైన ఈ సినిమాలో ఆ ఫ్రెష్ ఫీలింగ్ ఎక్కడికి వెళ్లలేదని అందుకే సినిమా హిట్ అయిందని చెప్పారు. తెలగులు ప్రేక్షకులు కూడా ఈ సినిమాను ఆదరిస్తారని పేర్కొన్నారు.
హీరోయిన్ అంజలి మాట్లాడుతూ.. ఈ సినిమా విడుదలవడం సంతోషంగా ఉందన్నారు. తమిళనాడులో ఈ చిత్రానికి వస్తున్న స్పందనకు తాను ఫిదా అయినట్లు పేర్కొన్నారు. రీరిలీజ్ లు అవుతున్న ఈ సందర్భంలో ఈ సినిమా నేరుగా రిలీజ్ కావడం ఒక ఎత్తు అయితే ఇప్పటికీ కంటెంట్ ఫ్రెష్ గా ఉండడం అనేది అందరిని ఆశ్చర్యపరుస్తుందని చెప్పారు. ఈ చిత్రానికి విజయ్ ఆంటోని మ్యూజిక్ అందించారని, ప్రతీ పాట చాలా బాగుందని చెప్పారు. కచ్చితంగా తెలుగు ప్రేక్షకులు సినిమాను ఆదరిస్తారని నమ్మకం వ్యక్తం చేశారు.
వరలక్ష్మీ శరత్ కుమార్ మాట్లాడుతూ.. ఈ సిినిమా విడుదల అవుతుందని ప్రతీ సంవత్సరం ఏదో ఒక పండుగకు ట్వీట్ చేస్తుంటారు. ఈ సంవత్సరం కూడా అలానే అనుకొని మొదట లైట్ తీసుకున్నట్లు చెప్పారు. ఆ తరువాత హీరో విశాల్ తదితరులు ట్వీట్ చేయడంతో నిజమే అని నమ్మినట్లు పేర్కొన్నారు. సినిమా మొత్తం కమెడీతో అలరిస్తుందని.. ఆ పాయింటే సినిమాకు హైలెట్ గా నిలిచిందని పేర్కొన్నారు. ఈ సినిమాలో బ్యూటీ గా కనిపించినట్లు చెప్పారు. కచ్చితంగా అందరు సినిమాను చూసిన ఆదరించాలిన చెప్పారు. జనవరి 31న సినిమా విడుదల అవుతుందని కచ్చితంగా తెలుగు ప్రేక్షకులకు నచ్చుతుందని నమ్మకం వ్యక్తం చేశారు.
