Evade Subramanyam Movie Re Release Press Meet
‘ఎవడే సుబ్రహ్మణ్యం’ ఇప్పటికీ రెలెవెంట్ మూవీ. ఇప్పుడు సినిమాకి ఇంకా ఇంపార్టెన్స్ పెరిగింది. రీరిలీజ్ లో సినిమాని మరింతమంది ఆడియన్స్ ఎక్స్ పీరియన్స్ చేస్తారని భావిస్తున్నాను: ప్రెస్ మీట్ లో విజనరీ డైరెక్టర్ నాగ్ అశ్విన్
‘ఎవడే సుబ్రహ్మణ్యం ఒక లవ్ ఎటాచ్మెంట్ వున్న అరుదైన సినిమా. పదేళ్లకు ముందు ఎంత రెలెవెంట్ గా ఉండేదో ఇప్పటికీ సినిమా అంతే రెలవెంట్ గా ఉంటుందని భావిస్తున్నాను. సినిమాకి ఇప్పుడు ఇంకా ఇంపార్టెన్స్ పెరిగింది. రీరిలీజ్ లో సినిమాని ఎంతమంది చూస్తారో అందులో టెన్ పెర్సెంట్ ఆడియన్స్ బెటర్ గా ఫీల్ అయితే, ఒక చిన్న పాజిటివిటీ సినిమా వాళ్లకి ఇస్తే థట్స్ గ్రేట్’అన్నారు విజనరీ డైరెక్టర్ నాగ్ అశ్విన్. నేచురల్ స్టార్ నాని హీరోగా, విజనరీ డైరెక్టర్ నాగ్ అశ్విన్ దర్శకత్వంలో వచ్చిన బ్లాక్ బస్టర్ మూవీ ‘ఎవడే సుబ్రహ్మణ్యం’. విజయ్ దేవరకొండ, మాళవిక నాయర్, రీతు వర్మ కీలక పాత్రల పోషించారు. స్వప్న సినిమా బ్యానర్ పై స్వప్న దత్, ప్రియాంక దత్ నిర్మించిన ఈ సినిమా పదేళ్ళు పూర్తి చేసుకుంది. ఎవడే సుబ్రహ్మణ్యం 10 ఇయర్స్ సెలబ్రేషన్స్ లో భాగంగా మార్చి 21న సినిమాని గ్రాండ్ గా రీరిలీజ్ చేస్తున్నారు. ఈ సందర్భంగా నిర్వహించిన ప్రెస్ మీట్ డైరెక్టర్ నాగ్ అశ్విన్ సినిమా విశేషాల్ని పంచుకున్నారు.
ప్రెస్ మీట్ లో విజనరీ డైరెక్టర్ నాగ్ అశ్విన్ మాట్లాడుతూ.. అందరికీ నమస్కారం. చాలా పెద్ద సినిమాలు, బ్లాక్ బస్టర్లు రావచ్చు. కానీ కొన్ని సినిమాలు తోనే ఒక లవ్, అటాచ్మెంట్ ఉంటుంది. తెలుగు ఫిలిం హిస్టరీలో నాకు ఒక మూడు, నాలుగు సినిమాలు అలా ఉంటాయి. ఎవరైనా ఫ్యాన్స్ కనిపించినప్పుడు, సినిమా గురించి మాట్లాడినప్పుడు అలాంటి లవ్ అటాచ్మెంట్ ఉన్న సినిమా ‘ఎవడే సుబ్రహ్మణ్యం’ అనిపిస్తుంది. పదేళ్ల క్రితం ఈ సినిమా రిలీజ్ అయినప్పుడు అదొక చిన్న రిలీజ్ అనే చెప్పాలి. అందరం కొత్త వాళ్ళం. నా ఫస్ట్ ఫిల్మ్. స్వప్న, ప్రియాంక కూడా అప్పుడప్పుడే వచ్చారు. నాని ఇంత మ్యాసీవ్ అవ్వలేదు. విజయ్ దేవరకొండ డెబ్యు. ఆ సమ్మర్ మంత్ లో బ్యాక్ టు బ్యాక్ బ్లాక్ బస్టర్స్ ఉన్నాయి. ఈ సినిమా హిట్ అయింది. బాగా ఆడింది. వర్డ్ ఆఫ్ మౌత్ బాగుంది కానీ ఇప్పుడు రిలీజ్ అయితే వచ్చినంత రీచ్ అప్పుడు వచ్చిందని అనుకోవడం లేదు. ఒక పదేళ్ళ తర్వాత ఈ జనరేషన్ వాళ్లు కూడా ఈ సినిమాను చూసి ఎంతో కొంత బెనిఫిట్ పొందుతారనే ఆలోచన ఎప్పటినుంచో ఉండేది. ఎందుకంటే అప్పటికి ఇప్పటికీ ప్రపంచమే మారలేదు. సుబ్బు ఇంకా పవర్ఫుల్ అయ్యాడనిపిస్తుంది. మనం ఇంకా అదే టార్గెట్స్ వైపు పరిగెడుతున్నాం. అవే గోల్స్ వెనుక పరిగెడుతున్నాం. పదేళ్లకు ముందు ఎంత రెలెవెంట్ గా ఉండేదో ఇప్పటికీ సినిమా అంతే రెలవెంట్ గా ఉంటుందని భావిస్తున్నాను. సినిమాకి ఇంకా ఇంపార్టెన్స్ పెరిగింది. ఈ రిలీజ్ లో సినిమాని ఎంతమంది చూస్తారో అందులో టెన్ పెర్సెంట్ ఆడియన్స్ బెటర్ గా ఫీల్ అయితే, ఒక చిన్న పాజిటివిటీ సినిమా వాళ్లకి ఇస్తే థట్స్ గ్రేట్. సినిమాని ఇప్పుడు మంచి బ్యాండ్ విత్ లో రిలీజ్ చేస్తున్నాం. సినిమాని ఇప్పుడు మరింతమంది ఎక్స్పీరియన్స్ చేస్తారని భావిస్తున్నాను. ఇంద్ర రీరిలీజ్ కి ఎంత సపోర్ట్ చేశారో ఈ సినిమాకి కూడా అలాంటి సపోర్ట్ చేస్తారని కోరుకుంటున్నాను. థాంక్యూ’అన్నారు.
ఈ సందర్భంగా నిర్వహించిన క్యూ అండ్ ఏ సెషన్ లో విలేకరులు అడిగిన ప్రశ్నలకు నాగ్ అశ్విన్ సమాధానాలు ఇచ్చారు.
అప్పటికి ఇప్పటికీ ఈ సినిమా మీద మీకున్న లవ్ ఏమిటి ? ఇపుడు సినిమా చూసినప్పుడు ఏం అనిపిస్తుంది ?
– ఫస్ట్ మూవీ మన ఫస్ట్ చైల్డ్ లాంటిది. మరీ ఎక్కువగా ఆలోచించడం ఉండదు. ఇమ్మెచ్యుర్ గా వున్నప్పుడు ఒక మ్యాజిక్ జరుగుతుంది. అది ఇంకా సినిమాలో కనిపిస్తుంది.
ఎవడే, మహానటి, కల్కి ఈ మూడిట్లో మీ బెస్ట్ అంటే ఏం చెప్తారు?
-మళ్ళీ ముగ్గురు పిల్లలు పోలిక తీసుకురావాలి(నవ్వుతూ) అయితే మహానటి సినిమా చాలా సాటిస్ఫాక్షన్ ఇచ్చింది. కారణం.. ఆ సినిమాకి చాలా టైం దొరికింది. సినిమాని ఫైన్ ట్యూన్ చేసుకునే టైం దొరకడంతో ఒక సాటిస్ఫాక్షన్ దొరికింది.
ఎవడే అన్ని నేచురల్ లొకేషన్స్ లో చేశారు కానీ మిగతా రెండు సినిమాలు ఎక్కువగా సెట్స్ లో చేయడానికి కారణం ?
-ఏదైనా కథ ప్రకారం ఉంటుంది.
కల్కి2 సినిమా ఎప్పుడు స్టార్ట్ అవుతుంది?
-ప్రిపరేషన్ జరుగుతుంది. ఇయర్ ఎండింగ్ లో ఉండొచ్చు.
ఈ పదేళ్లలో మూడు సినిమాలే తీయడానికి కారణం?
-ఏదైనా ప్రాజెక్ట్ బట్టి వుంటుంది. కల్కి లాంటి సినిమాని రెండేళ్లు తీలేం. దాన్ని స్కేలు స్టార్ కాస్ట్ వాళ్ళ డేట్స్ సిజీ వర్క్.. వీటన్నిటికీ చాలా టైం కావాలి.
మీ ఫస్ట్ సినిమాకి కమర్షియల్ ఎలిమెంట్స్ చూడకుండా ‘ఎవడే’ కథని ఎంచుకోవడానికి కారణం ?
-నిజానికి ఒక రెండు కమర్షియల్ అనుకునే కథలు రాశాను. వైజయంతికి కూడా చెప్పాను. కానీ అవి టేక్ ఆఫ్ కాలేదు. అలాంటి సమయంలో ఒక చిన్న ఇండిపెండెంట్ ఫిలిం చేద్దామని ఎవడే ఆలోచన రాయడం మొదలుపెట్టాను. నిజానికి ఈ సినిమాని ఎవరు ప్రొడ్యూస్ చేస్తారని అనుకోలేదు. కానీ ఇది నానికి స్వప్నకి ప్రియాంకకి అందరికి నచ్చింది. వాళ్ళకి నచ్చడంతో ప్రాజెక్ట్ టేక్ ఆఫ్ అయింది.
ఈ పదేళ్లలో కెరీర్ పరంగా హ్యాపీగా ఉన్నారా?
-చాలా హ్యాపీగా ఉన్నాను. చేసే ప్రతి సినిమా మరొకరు చేయలేని కాన్సెప్ట్ తోనే వెళుతున్నాను. అవన్నీ కూడా సక్సెస్ఫుల్ సినిమాలు అవుతున్నందుకు చాలా హ్యాపీగా ఉంది.
ఎవడే సుబ్రహ్మణ్యం కి సీక్వెల్ ఉంటుందా ?
-ఎవడే సుబ్రహ్మణ్యం కు సీక్వెల్ చేయలేం. ఇంటర్వెల్ లో ఏం జరుగుతుందో మీ అందరికీ తెలుసు. దీనికి ప్రీక్వెల్ రాయొచ్చు.
మీ సెకండ్, థర్డ్ సినిమాలో విజయ్ దేవరకొండ కనిపించారు. నానితో మళ్ళీ ఎప్పుడు చేస్తున్నారు?
-చేయాలని అనుకున్నాం. వర్క్ అవుట్ కాలేదు, డెఫినెట్ గా వర్క్ అవుట్ చేస్తాం.
ఈ సినిమాలో ప్రత్యేకంగా కృష్ణంరాజు గారినితీసుకోవాలని ఎందుకు అనిపించింది?
-ఆ క్యారెక్టర్ లో కృష్ణంరాజు గారు ఉంటే బాగుంటుందని అనిపించింది. ఆయన అవతారం అని ఒక సినిమా చేశారు. అందులో ఆయన లుక్కు నాకు చాలా నచ్చింది. ఇందులో చాలా బలమైన లైన్స్ ఉంటాయి . అలాంటి మాటలు చెప్పే అర్హత ఆయనకి ఉందనిపించింది.
ప్రతిష్టాత్మకమైన వైజయంతి మూవీస్ బ్యానర్ ప్రొజెక్ట్స్ హ్యాండిల్ చేయడం ఎలా అనిపిస్తుంది?
-కల్కి రిలీజ్ అయ్యే ముందు ఒక ఒత్తిడి ఉండేది. చాలా భారీ పిక్చర్. చాలా భాద్యత బాధ్యత ఉంది. రిలీజ్ అయిన తర్వాత చాలా హ్యాపీగా అనిపించింది. మేము ఒక ల్యాండ్ మార్క్ ని క్రియేట్ చేయగలిగాం. భవిష్యత్తులో మరిన్ని అద్భుతమైనటువంటి ప్రాజెక్ట్స్ చేయగలమని నమ్మకం వచ్చింది.
రిషి, సుబ్బు ఈ రెండిట్లో మీకు బాగా దగ్గరైన పాత్ర ఏంటి ?
-ప్రతి మనిషిలో రిషి, సుబ్బు రెండు కోణాలు ఉంటాయి. నేను కొన్నాళ్లు రిషి లాగ తిరిగాను. సుబ్బులా కూడా ఉన్నాను(నవ్వుతూ)
ఎవడే సినిమాకి మీరెదురుకున్న టఫ్ ఛాలెంజ్ ఏంటి?
-రిలీజ్ చాలా టఫ్ అనిపించింది. మాకు అప్పుడు బ్యాండ్ విడ్త్ చాలా తక్కువ. ఫైనల్ కాఫీ సరిగ్గా చూసుకోలేనంత టెన్షన్ ఉండేది.
ఎవడే ని ఆడియన్స్ చాలా ఇష్టపడ్డారు.. ఇలాంటి కాన్సెప్ట్స్ మళ్ళీ ఆలోచిస్తారా?
-ఇది ఇష్టపడతారని అప్పుడు నాకు తెలియదు. జస్ట్ తీశాను. వర్కౌట్ అయింది. ప్రతి సినిమా అలానే చేస్తాం. ప్రొడ్యూసర్ యాక్టర్స్ అందరం ఇష్టపడి తీస్తాం. అది ఆడియన్స్ నచ్చితే వెరీ హ్యాపీ.
