Beautiful romantic entertainer ‘O Bhama Ayyo Rama’ teaser
బ్యూటిఫుల్‌ రొమాంటిక్‌ ఎంటర్‌టైనర్‌ ‘ ఓ భామ అయ్యో రామ’ టీజర్‌ విడుదల
సినిమా సినిమాకు డిఫరెంట్‌ కథలను ఎంచుకుంటూ దూసుకెళ్తుతున్న కథానాయకుడు సుహాస్‌ తాజాగా నటిస్తున్న రొమాంటిక్‌ కామెడీ ఎంటర్‌టైనర్‌ ‘ఓ భామ అయ్యో రామ’. మలయాళంలో జో అనే చిత్రంతో అందరి హృదయాలను దోచుకున్న నటి మాళవిక మనోజ్ (జో ఫేమ్) ఈ చిత్రంతో తెలుగులో కథానాయికగా పరిచయమవుతోంది. రామ్ గోధల దర్శకుడు. వీ ఆర్ట్స్‌ పతాకంపై హరీష్ నల్ల ఈ చిత్రాన్ని నిర్మిస్తున్నారు. ప్రముఖ కథానాయకుడు రానా దగ్గుబాటి స్పిరిట్ మీడియా ఈ చిత్రాన్ని విడుదల చేయనుంది. వేసవిలో ఎంటర్‌టైన్‌చేయనున్న ఈ చిత్రం టీజర్‌ను సోమవారం విడుదల చేశారు మేకర్స్‌. ఈ సందర్బంగా
ఆర్ట్‌ డైరెక్టర్‌ బ్రహ్మ కడలి మాట్లాడుతూ ” ప్రదీప్‌ నాకు స్నేహితుడు. సుహాస్‌కు నేను అభిమానిని. మంచి కథలను ఎంచుకుని చేస్తాడు. ఆయన హీరో అనగానే ఈ సినిమా చేయాలని ఫిక్స్‌ అయ్యాను. దర్శకుడు తొలి సినిమా దర్శకుడిగా చేయలేదు. ఎంతో అనుభవం ఉన్న దర్శకుడిలా చేశాడు. మాళవిక అభినయం బాగుంటుంది ఈ సినిమాలో. తప్పకుండా ఈ సినిమా విజయం సాధిస్తుంది అనే నమ్మకం ఉంది అన్నారు.
నిర్మాత హరీష్ మాట్లాడుతూ ” ఈ సినిమా చేసిన నా టెక్నిషియన్స్‌, ఆర్టిస్ట్‌లు ఎంతో సపోర్ట్‌ చేసి మంచి ప్రొడక్ట్‌ను తీసుకొచ్చారు. బెస్ట్‌ క్వాలిటీ సినిమా ఇవ్వబోతున్నాం. పూర్తి ఎంటర్‌టైనింగ్‌గా రాబోతున్న ఈ రొమాంటిక్‌ ఎంటర్‌టైనర్‌ మీ హృదయాలను దోచుకుంటుంది. తప్పకుండా నిర్మాతగా ఓ మంచి సినిమాను ఇవ్వబోతున్నాం అనే నమ్మకం ఉంది అన్నారు.
హీరోయిన్‌ మాళవిక మాట్లాడుతూ ” ఈ సినిమాపై నాకు చాలా నమ్మకం ఉంది. నాకు తెలుగులో ఓ మంచి సినిమాతో అడుగుపెడుతున్నందుకు ఆనందంగా ఉంది. తప్పకుండా ఈ సినిమా అందరికి నచ్చుతుందనే నమ్మకం ఉంది అన్నారు.
రామ్ గోదాల మాట్లాడుతూ ”ప్రతి ఒక్కరికి సినిమా తీయాలనే కల ఉంటుంది. దర్శకుడిగా తన పేరును వెండితెరపై చూసుకోవాలని ఉంటుంది. ఈ రోజు నేను దర్శకుడి నా పేరు చూసుకోవడానికి కారణం హీరో సుహాస్‌. నిర్మాత హరీష్ కథ చెప్పగానే క్వాలిటీగా తీద్దామని చెప్పాడు. ఎక్కడా రాజీపడకుండా సినిమాను నిర్మిస్తున్నాడు. ఈ ప్రొడక్ట్‌ క్వాలిటీగా రావడానికి ఆయనే కారణం. మణికందన్‌ ఫోటోగ్రఫీతో ఈ సినిమాను చాలా కలర్‌ఫుల్‌గా మలిచాడు.రథన్‌ ఈ లవ్‌స్టోరీకి చాలా మంచి సంగీతాన్ని అందించాడు. ఈ సినిమాలో ఉన్న ఆరుపాటలు వేటికవే అనే విధంగా బ్యూటిఫుల్‌గా ఉంటాయి అన్నారు.
హీరో సుహాస్‌ మాట్లాడుతూ ” దర్శకుడు రామ్ నాకు ఎప్పట్నుంచో తెలుసు. చెప్పిన వెంటనే నాకు లవ్‌స్టోరీ ఎందుకు అన్నాను. కానీ కన్వీన్స్‌ చేశాడు. ఈ చిత్రంలో సాంగ్స్‌ చాలా బాగుంటాయి. నిర్మాత ఎక్కడా రాజీపడకుండా చాలా క్వాలిటీగా సినిమాను తీస్తున్నాడు. సినిమాలో ప్రతి సన్నివేశం కొత్తగా ఉంటుంది. లవ్‌స్టోరీ కొత్తగా ఉంటుంది. పాటలు చాలా బాగుంటాయి తప్పకుండా సినిమా అందరికి నచ్చుతుందనే నమ్మకం ఉంది అన్నారు.
ఈ కార్యక్రమంలో స్పిరిట్ మీడియా ప్రవీణ్‌, ఆర్ట్‌ డైరెక్టర్‌ బ్రహ్మా కడలి, ఆదిత్య మ్యూజిక్‌ నిరంజన్‌, మణికందన్‌, సుహాస్‌ మెహిన్‌, సాత్విక్‌ తదితరలు పాల్గొన్నారు.
టీజర్‌ను గమనిస్తే.. ఇదొక క్యూట్‌ అండ్‌ ఎంటర్‌టైనింగ్‌ లవ్‌స్టోరీలా అనిపిస్తుంది. టీజర్‌లోని ప్రతి ఫేమ్ కలర్‌ఫుల్‌గా ఉంది. సుహాస్‌ ఎంతో ఎనర్జీగా కనిపించాడు. హీరోయిన్‌ మాళవిక, హీరో సుహాస్‌ మధ్య వచ్చే సన్నివేశాలు ఎంతో వినోదాన్ని పంచాయి. మనది బొమ్మరిల్లు కాదు, రక్తచరిత్ర అంటూ హీరోయిన్‌ చెప్పిన డైలాగ్‌.. చివర్లో అమ్మాయిలను నమ్మెద్దు బాబు. మోసం చేస్తారు బాబు అంటూ హీరో చెప్పే డైలాగ్‌ ఈ టీజర్‌లో అలరించే అంశాలు. టీజర్‌ క్వాలిటీ, ఫ్రేమ్స్‌ చూస్తుంటే ఖర్చు విషయంలో నిర్మాత ఎక్కడా కూడా కాంప్రమైజ్‌ కాలేదని తెలుస్తోంది. అతి త్వరలో ఈ చిత్రం విడుదల తేదిని కూడా ప్రకటిస్తారు. ఈ చిత్రంలో ప్రముఖ దర్శకుడు హరీష్ శంకర్ అతిథి పాత్రలో కనిపించబోతున్నాడు. మణికందన్‌ సినిమాటోగ్రఫీని అందిస్తున్న ఈ చిత్రానికి రథన్‌ సంగీతాన్నిసమాకూరుస్తున్నాడు. బ్రహ్మా కడలి ఆర్ట్‌ డైరెక్టర్‌గా వ్యవహరిస్తున్నాడు.
