Chhava Movie Thank You Meet Event
ఛావా మూవీ థాంక్ యూ మీట్ ఈవెంట్
‘ఛావా’కి తెలుగు ఆడియన్స్ నుంచి అద్భుతమైన రెస్పాన్స్ వస్తోంది. ఇది కేవలం సినిమా కాదు..గొప్ప ఎమోషన్. తల్లిదండ్రులు దయచేసి ‘ఛావా’ని పిల్లలకు చూపించాలని కోరుకుంటున్నాను: థాంక్ యూ మీట్ లో నిర్మాత బన్ని వాస్
ఛత్రపతి శంభాజీ మహారాజ్ అజేయమైన స్ఫూర్తిని, ధైర్యాన్ని సెలబ్రేట్ చేసుకునే ఎపిక్ బ్లాక్ బస్టర్’ఛావా’. దినేష్ విజన్ మాడ్డాక్ ఫిల్మ్స్ నిర్మించి, లక్ష్మణ్ ఉటేకర్ దర్శకత్వం వహించిన చావాలో విక్కీ కౌశల్ ప్రధాన పాత్రలో నటించారు. హిందీ వెర్షన్ భారీ బ్లాక్ బస్టర్‌గా నిలిచిన తర్వాత ఈ పవర్ ఫుల్ కథను గీతా ఆర్ట్స్ డిస్ట్రిబ్యూటర్స్ మార్చి 7న తెలుగులో గ్రాండ్ గా రిలీజ్ చేసిన ఈ చిత్రం బ్లాక్ బస్టర్ రెస్పాన్స్ తో హౌస్ ఫుల్ గా రన్ అవుతోంది. ఈ సందర్భంగా మేకర్స్ థాంక్ యూ మీట్ ని నిర్వహించారు.
థాంక్ యూ మీట్ లో నిర్మాత బన్నివాస్ మాట్లాడుతూ.. అందరికీ నమస్కారం. ఈ సినిమాని తెలుగులో ఇంత గర్వంగా రిలీజ్ చేయగలిగాను అంటే దానికి కారణం దినేష్ గారు. ఆయన మమ్మల్ని బలంగా నమ్మి ఇచ్చారు. సినిమా బాగుంటే తెలుగు ప్రేక్షకులు ఎప్పుడైనా హిట్ చేస్తారు. అదే నమ్మకంతో ఆయన సినిమా ఇచ్చారు. దినేష్ గారికి థాంక్యూ. మాడ్డాక్ ఫిల్మ్స్ టీం అందరికీ థాంక్ యు. సినిమాలో వినీత్ గారి క్యారెక్టర్ కి చాలా కనెక్ట్ అయ్యాను. క్లైమాక్స్ లో కన్నీళ్ళు వచ్చాయి. ఒక చరిత్రని సినిమాగా తీయడం అంత ఈజీ కాదు. అలాంటి ఒక కొత్త చరిత్రని ఇంత గొప్ప సినిమాగా ప్రేక్షకులకు ముందుకు తీసుకొచ్చిన డైరెక్టర్ లక్ష్మణ్ గారికి ధన్యవాదాలు. ఈరోజు మనం ఇంత స్వేచ్ఛని స్వాతంత్ర్యాన్ని అనుభవిస్తున్నామంటే కారణం ఆ రోజు శంభాజీ మహారాజ్ లాంటి మహావీరులు త్యాగమే ఫలితమే. ఒక మంచి సినిమాని తెలుగులోకి తీసుకురావాలనే తపనతో ఈ సినిమా చేశాం. మా టీం అంతా చాలా హార్డ్ వర్క్ చేసింది. ఇది మంచి సినిమా. పిల్లలకు చూపించాల్సిన సినిమా. ఈ జనరేషన్ లో ఫ్రీడమ్ వాల్యూ తెలియాలంటే తల్లిదండ్రులు ఇలాంటి సినిమాలను పిల్లలు చూపించాలని కోరుకుంటున్నాను. ఛావా కేవలం సినిమా మాత్రమే కాదు.. గ్రేట్ ఎమోషన్. రెహ్మాన్ గారికి థాంక్. నాలుగు రోజుల్లో ఆయన పాటలని పూర్తి చేశారు. ఆయన ఎంత బిజీగా ఉంటారో మనకి తెలుసు. సినిమాపై ప్రేమతో మాకు చేసిచ్చారు. ఈ సినిమాకి పని చేసిన అందరికీ పేరుపేరు ధన్యవాదాలు. సినిమాకి అద్భుతమైన స్పందన వస్తుంది. తప్పకుండా ఈ సినిమా మీ పిల్లలని తీసుకెళ్ళండి. గొప్ప ఎమోషన్ తో బయటికి వస్తారు’ అన్నారు.
వినీత్ కుమార్ సింగ్ మాట్లాడుతూ..ఈ సినిమాని సపోర్ట్ చేస్తున్న అందరికీ థాంక్యూ సో మచ్. తెలుగు ప్రేక్షకులకు సినిమాపై ఉన్న ప్రేమ చాలా ప్రత్యేకం. ఇక్కడ ప్రేక్షకులు సినిమాల్ని స్టార్స్ ని సపోర్ట్ చేస్తున్న విధానం అద్భుతం. ఈ సినిమాని తెలుగు రిలీజ్ చేసిన గీత ఆర్ట్స్ కి, బన్నీవాస్ గారికి థాంక్ యూ. ఈ సినిమాలో నా పాత్రకు వస్తున్న ఆదరణ చాలా ఆనందాన్ని ఇస్తోంది. తెలుగు లో నాకు వాయిస్ ఇచ్చిన ఫణి వంశీ గారికి థాంక్. చాలా మంచి రెస్పాన్స్ వస్తోంది. ఈ సినిమాకి పని చేసిన అందరికీ పేరుపేరునా థాంక్ యూఅన్నారు.
మాడ్డాక్ CFO దివ్యాంశ్ గోయల్ మాట్లాడుతూ.. సినిమాని ఇంత గొప్పగా ఆదరిస్తున్న తెలుగు ఆడియన్స్ కి థాంక్ యు, ఈసినిమాపై ప్రేక్షకులు చూపిస్తున్న ప్రేమ మర్చిపోలేము’అన్నారు.
తెలుగు డైలాగ్ రైటర్ సామ్రాట్ మాట్లాడుతూ.. ఈ సినిమాని ఒక బాధ్యతగా తీసుకున్నాము . మన చరిత్రని సనాతన ధర్మాన్ని అందరికీ తెలియజేయాలని ఒక రెస్పాన్స్ బుల్ గా ఈ సినిమా చేశాం. మనందరం ఇలాంటి సినిమాలు ఎంత బాగా ఆదరిస్తే ఇలాంటి సినిమాలు మరిన్ని వస్తాయి. బన్నీవాస్ గారికి అందరికీ థాంక్యూ
తెలుగు డబ్బింగ్ డైరెక్టర్ రాఘవ మాట్లాడుతూ.. ఈ సినిమాకి అందరూ ప్రాణం పెట్టి పని చేశారు. ఈ సినిమాని ఒక సినిమాలా కాకుండా ఒక ఎమోషన్ గా ఫీల్ అయ్యారు. నాలుగు రోజుల్లో డే అండ్ నైట్ కష్టపడి డబ్బింగ్ ని అద్భుతమైన క్వాలిటీతో పూర్తి చేశారు. ఈ అవకాశం ఇచ్చిన నిర్మాత బన్నీ వాసు గారికి థాంక్యూ’అన్నారు.
లిరిక్ రైటర్ శ్రీమణి మాట్లాడుతూ.. అందరికి నమస్కారం. బన్నీ వాసు గారికి థాంక్యూ . ఈ సినిమా గురించి చెప్పినప్పుడు చాలా సర్ ప్రైజ్ అయ్యాను. ఈ ఆల్బమ్ అంతా విన్నాక షాక్ నిపించింది. రెహమాన్ గారికి రాయాలనేది నా కల. అలాంటి డ్రీమ్ లో ఒక అడుగు ముందుకేసే అవకాశం ఈ సినిమా ద్వారా లభించింది. ఇలాంటి సినిమాకి సాహిత్యం రాయడం అంత తేలిక కాదు. హిందీలో రాసిన రైటర్స్ కి థాంక్యూ. ఏ భాషలోకి అనువదించినా కూడా ఆ రైటర్ కి ఈజీగా భావం అర్థమయ్యేలా రాశారు. ఇందులోని ప్రతి లైన్ కథలోని ఆర్ద్రత నుంచి వచ్చినదే. ఈ సినిమా నా కెరీర్లో మరో మైల్ స్టోన్. ఇంత మంచి సాహిత్య విలువలు ఉన్న సినిమాలో పాటలు రాసే అవకాశం ఇచ్చిన బన్నీ వాసు గారికి రెహమాన్ గారికి అందరికీ థాంక్యూ సో మచ్. ఇది మనందరి సినిమా. అందరూ చూసి మమ్మల్ని ఆశీర్వదించండి’అన్నారు.
