Erra Cheera – The Begining Movie Release on 25th April

వేసవి కానుకగా ఏప్రిల్ 25న “ఎర్రచీర – ది బిగినింగ్” సినిమా గ్రాండ్ థియేట్రికల్ రిలీజ్‌

 బేబీ డమరి సమర్పణలో శ్రీ పద్మాయల ఎంటర్‌టైన్‌మెంట్స్ మరియు శ్రీ సుమన్ వెంకటాద్రి ప్రొడక్షన్స్ సంయుక్తంగా నిర్మిస్తున్న “ఎర్రచీర – ది బిగినింగ్” చిత్రం ప్రేక్షకులను అలరించేందుకు సిద్ధమవుతోంది.

ఈ సినిమాలో ప్రముఖ నటుడు రాజేంద్రప్రసాద్ మనవరాలు బేబీ సాయి తేజస్విని నటిస్తుండగా, దర్శకుడు సుమన్ బాబు స్వీయ దర్శకత్వంలో ఒక కీలక పాత్రలో కనిపించనున్నారు. మదర్ సెంటిమెంట్, హారర్, యాక్షన్ అంశాలతో కూడిన ఈ చిత్రం మొదట శివరాత్రి కానుకగా విడుదల కావాల్సి ఉంది. అయితే, సాంకేతిక కారణాల వల్ల రిలీజ్ వాయిదా పడింది. ఇప్పుడు వేసవి సీజన్‌లో ఏప్రిల్ 25న ప్రేక్షకుల ముందుకు తీసుకురావడానికి చిత్ర బృందం సన్నాహాలు చేస్తోంది.

ఈ సందర్భంగా నిర్మాతలలో ఒకరైన ఎన్ వివి సుబ్బారెడ్డి మాట్లాడుతూ, “ఈ చిత్రంలో క్లైమాక్స్ ఎపిసోడ్, అనేకమంది అఘోరాలతో శివుడిని అత్యద్భుతంగా చూపిస్తూ షూట్ చేసిన సీక్వెన్స్ అద్భుతంగా వచ్చిందని, కుటుంబం అంతా పిల్లలతో సహా చూసి ఆనందించదగ్గ సినిమా అని అన్నారు.

ఈ సందర్భంగా దర్శకుడు సుమన్ బాబు మాట్లాడుతూ, ” ఈ సినిమాలో 45 నిముషాలు పాటు ఉండే గ్రాఫిక్స్ చాలా హైలైట్ గా నిలుస్తాయి. సినిమా చూసిన వారందరూ అద్భుతంగా ఉందని కొనియాడారు. రిలీజ్ ఆలస్యం అయినా, కంటెంట్ మాత్రం ఖతర్నాక్‌గా ఉందని అందరూ అంటున్నారు. ప్రేక్షకులకు ఈ చిత్రం ఒక అద్భుతమైన అనుభవాన్ని అందిస్తుందని నమ్ముతున్నాం,” అని అన్నారు.

నటీనటులు:

బేబీ సాయి తేజస్విని, సుమన్ బాబు, శ్రీరామ్, కమల్ కామరాజు, కారుణ్య చౌదరి, అయ్యప్ప పి శర్మ, సురేష్ కొండేటి, రఘుబాబు, తదితరులు

సాంకేతిక బృందం:

ఆర్ట్: నాని, సుభాష్

స్టంట్స్: నందు

డైలాగ్స్: గోపి విమల పుత్ర

లైన్ ప్రొడ్యూసర్: అబ్దుల్ రెహమాన్

సినిమాటోగ్రఫీ: చందు

ఎడిటర్: వెంకట ప్రభు

చీఫ్ కో-డైరెక్టర్: నవీన్ రామ నల్లం రెడ్డి, రాజ మోహన్

బీజీఎం: ఎస్ చిన్న

మ్యూజిక్: ప్రమోద్ పులిగిల్ల

సౌండ్ ఎఫెక్ట్స్: ప్రదీప్

పిఆర్ఓ: సురేష్ కొండేటి

సమర్పణ: బేబీ డమరి ప్రజెంట్స్

నిర్మాతలు: ఎన్.వి.వి. సుబ్బారెడ్డి, సీహెచ్. వెంకట సుమన్

కథ, స్క్రీన్‌ప్లే, దర్శకత్వం: సుమన్ బాబు