Kanguva Pre Release Event Highlights
కంగువ ప్రీరిలీజ్ ఈవెంట్ హైలెట్స్
హీరో సూర్య ప్రధాన పాత్రలో నటించిన కంగువ సినిమా నవంబర్ 14న విడుదలకు సిద్దంగా ఉంది. పాన్ ఇండియా లాంగ్వేజ్ లలో విడుదల అవుతున్న ఈ మూవీకి సంబంధించిన ప్రీ రిలీజ్ ఈవెంట్ ను హైదరాబాద్ లో నిర్వహించారు. ఈ కార్యక్రమానికి ఎస్ ఎస్ రాజమౌళి ముఖ్య అతిథిగా వచ్చారు. స్టూడియో గ్రీన్, యూవీ క్రియేషన్స్ బ్యానర్లు సంయుక్తంగా నిర్మించాయి. తెలుగులో శౌర్యం, శంఖం చిత్రాలతో ఫేమస్ అయిన శివ ఈ చిత్రానికి దర్శకత్వం వహించారు. దిశా పటానీ హీరోయిన్ గా నటించిన ఈ చిత్రం గ్లింప్స్, ట్రైలర్ విడుదలై సోషల్ మీడియాలో మంచి బజ్ క్రియేట్ చేసింది. దేవిశ్రీ ప్రసాద్ అందించిన సాంగ్స్ మెప్పించాయి. ఈ సందర్భంగా ఎస్ఎస్ రాజమౌళి మాట్లాడుతూ.. బహుబలి సినిమా తీయడానికి ఒక రకంగా సూర్యనే స్పూర్తి అని చెప్పారు.
తమిళ హీరో అయినా తెలుగులో చక్కగా ప్రమోట్ చేసుకుంటారని, ఆయన నటించిన గజిని చిత్రాన్ని తెలుగులో ప్రమోట్ చేసుకున్న విధానం నన్ను ఎంతో ఆకట్టుకుందని రాజమౌళి చెప్పారు. ఆ తరువాత చాలా మంది హీరోలకు, నిర్మాతలకు సూర్యలా సినిమాను ప్రమోట్ చేసుకోవాలని ఎన్నో సందర్భాలలో చెప్పినట్లు గుర్తు చేసుకున్నారు. మంచి సినిమాను అందరూ ఆశీర్దదిస్తారని, బాహుబలి విడుదల అవడంతో అర్థం అయిందని చెప్పారు. సూర్యతో సినిమా చేయాలని చాలా సార్లు ప్రయత్నించాము కానీ కుదరలేదని చెప్పారు. ఇక విజువల్స్, మేకింగ్ వీడియో చూస్తుంటే డైరెక్టర్ శివ ఎంత కష్టపడ్డారో అర్థం అవుతుందని చెప్పారు. కంగువ కచ్చితంగా పెద్ద హిట్ అవుతుందని చెప్పారు. సినిమాలో నటించిన ప్రతీ ఒక్క టెక్నిషన్స్ కు శుభాకాంక్షలు తెలిపారు. తెలుగు ప్రేక్షకులకు కంటెంట్ నచ్చితే చాలు అద్భుతమైన విజయాన్ని ఇస్తారని చెప్పారు.
గజిని సినిమాతో సూర్యకు నాకు అనుబంధం ఏర్పడిందని ప్రముఖ నిర్మాత అల్లు అరవింద్ అన్నారు. ఆ సినిమాను డిస్ట్రిబ్యూట్ చేసింది గీతా ఆర్ట్స్ బ్యానర్ అని గజిని సీక్వెల్ చేయాల్సి వస్తే తమ బ్యానర్ లోనే చేయాలని అన్నారు. సూర్య కష్టపడే విధానం చాలా నచ్చుతుందని పేర్కొన్నారు. అలాగే మంచి సిినిమాను ప్రేక్షకులు ఎప్పుడు గుండెల్లో పెట్టుకొని చూసుకుంటారని నిర్మాత దిల్ రాజు వ్యాఖ్యానించారు. సూర్య తమిళ హీరో కాదు ఆయన మన తెలుగు హీరోలో ఒకడు అయ్యారు అని దర్శకుడు బోయపాటి శ్రీను అన్నారు. ఈ ఈవెంట్ కు వచ్చిన నిర్మాత సురేష్ బాబు, యంగ్ హీరోలు విశ్వక్ సేన్, సిద్దు జొన్నల గడ్డ కంగువ సినిమాకు తమ విషేస్ అందించారు.
తెలుగు ప్రేక్షకులు ఎప్పుడూ తనకు ప్రత్యేకమే అని హీరో సూర్య అన్నారు. కంగువ విజువల్స్ పరంగా, మ్యూజిక్ పరంగా, టెక్నికల్ పరంగా చాలా బాగుంటుందని, ఈ నవంబర్ మీకు ఓ మంచి థియేటర్ ఎక్స్ పీరియన్స్ ఇస్తుందని సూర్య పేర్కొన్నారు. అలాగే రాజమౌళితో సినిమా చేయాల్సిన అవకాశం మిస్ అయిందని చెప్పారు. ఇండస్ట్ర్రి నుంచి ఇంత మంది ప్రముఖులు తన కోసం రావడం చాలా సంతోషంగా ఉందని చెప్పారు. కంగువ సినిమాలో పనిచేసిన ప్రతీ ఒక్కరికి ప్రత్యేక ధన్యవాదాలు తెలిపారు.
Cast And Crue
Movie : Kanguva
Actors : Suriya, Disha patani, Baby Deol
Director : Siva
Producer : K.E Gnanavel Raja, Vamshi Promod
Music Director: Devi Sree Prasad
Cinematographer : Vetri Palanisami
Editor : Nishan Yusaf
Banners : Studio Green, UV Creations
