Mathu Vadalara 2 Success Meet
మత్తు వదలరా 2 గ్రాండ్ సక్సెస్ మీట్
మైత్రీ మూవీ మేకర్స్, క్లాప్ ఎంటర్ టైన్మెంట్ బ్యానర్లపై తెరకెక్కిన మత్తు వదలరా 2 చిత్రం సెప్టెంబర్12 న విడుదలై మంచి టాక్ తెచ్చుకున్న సందర్భంగా సక్సెస్ మీట్‌ను ఏర్పాటు చేశారు మేకర్స్ ఈ సందర్భంగా మూవీ టీమ్‌తో పాటు సినిమా పరిశ్రమ నుంచి చాలా మంది అతిథులు పాల్గొని మాట్లాడారు. ఈ కార్యక్రమంలో నటుడు సత్యం రాజేష్ మాట్లాడుతూ.. మత్తు వదలరా 2 చిత్రం చూస్తున్నప్పుడు ఆయన చిన్నతనంలో చేసిని అల్లరి గుర్తుకొచ్చిందని, ఈ సినిమా చూస్తున్నప్పుడు కూడా అదే అల్లరి చేస్తూ సినిమాను ఎంజాయ్ చేసినట్లు చెప్పారు. డైరెక్టర్ రితేష్ రానా ప్రేక్షకులకు అద్భుతమైన చిత్రాన్ని అందించారన్నారు. సినిమాలో మ్యూజిక్ డైరెక్టర్ చాలా వండర్ క్రియేట్ చేశారని తెలిపారు. భారీ బడ్జెట్ చిత్రాలకు ఎలాంటి మ్యాజిక్ ఉంటుందో దీనికి కూడా అంతే స్టాండర్డ్స్ మెయింటైన్ చేశారని చెప్పారు. ముఖ్యంగా సత్య, శ్రీసింహ యాక్టింగ్ ఈ సినిమాను మరో మెట్టుకు తీసుకెళ్లాయని చెప్పారు.
డైరెక్టర్ మహేష్ కుమార్ మాట్లాడుతూ.. రైటింగ్ పరంగా చాలా బ్రిలియంట్ గా ఉందని, అన్ని డిపార్ట్ మెంట్స్ అద్భుతంగా కుదిరాయన్నారు. మరీ ముఖ్యంగా యాక్టర్ సత్య నెక్స్ట్ లెవల్ యాక్టింద్ అని కొనియాడారు. ఈ సినిమాలో సత్య యాక్టింగ్ చూసిన తరువాత ఆయనకు క్యారెక్టర్ రాయాలంటే భయమేస్తుంది అన్నారు. ఇక శ్రీ సింహా చాలా నేచురల్ యాక్టింగ్ చేశారని చెప్పారు. జాతిరత్నాలు ఫేమ్ డైరెక్టర్ అనుదీప్ మాట్లాడుతూ.. ముందుగా నిర్మాతలకు కంగ్రాట్స్ చెప్పారు. రితేష్ రానా అద్భుతమైన వర్క్ చేశారు అని, శ్రీ సింహ, సత్య యాక్టింగ్ చాలా బాగుందన్నారు.
డైరెక్టర్ రితేష్ రానా వర్క్ స్టైల్ కు ఫీదా అయినట్లు దర్శకుడు వివేక్ ఆత్రేయ చెప్పారు. రైటింగ్ చాలా బాగుందని, లాంగ్ సీన్స్ తెరపై తీయడం అంటే మాములు విషయం కాదని, దానికి ఎంతో వర్క్ చేయాలి అని చెప్పారు. ఇక హీరో శ్రీ సింహ యాక్టింగ్ చాలా డీసెంట్ గా, నేచురల్ గా చేశారన్నారు. మ్యూజిక్ బ్లాస్ట్ అయింది. అలాగే సత్య ఈ సినిమాతో స్టార్ కమెడియన్ అయ్యారు అన్నారు. కామెడీతో థియేటర్ ఊగిపోయింది అని చెప్పారు. అందరూ యాక్టర్స్ చాలా బాగా చేసారని, ప్రొడ్యూసర్లు మంచి కంటెంట్ ను ప్రోత్సహించడం గ్రేట్ అని వెల్లడించారు. డైరెక్టర్ శివ నిర్వాణ మాట్లాడుతూ.. ఫస్ట్ షో నుంచి బొమ్మ హిట్ టాక్ తెచ్చుకుంది. ఒక కామెడి ఫిల్మ్ లో ఇలాంటి మేకింగ్ చేయడం కేవలం రితేష్ రానాకు మాత్రమే చెల్లుతుంది అని చెప్పారు. స్క్రీన్ ప్లే చాలా గ్రిప్పింగ్ గా రాశారు అని, రెట్రో కామెడీలో హాలీవుడ్ లో ఎక్కువ చిత్రాలు వస్తాయి.. ఇప్పుడు తెలుగులో స్టార్ట్ అయ్యాయి అన్నారు. సత్య కామెడీ అంత బాగా రావడం వెనుక శ్రీ సింహ యాక్టింగ్ చాలా బాగా వర్కౌట్ అయిందన్నారు. ఇది కచ్చితంగా స్ట్రెస్ బస్టర్ మూవీ అని చెప్పారు. నెక్ట్స్ మత్తువదలరా 3 కోసం వెయిటింగ్ అన్నారు.
గత 10 రోజులుగా వర్షాలు కారణంగా సతమతమవుతున్న రెండు తెలుగు రాష్ట్రాలకు ఈ సినిమా పెద్ద రిలీఫ్ అని డైరెక్టర్ మలినేని గోపిచంద్ చెప్పారు. ఈ సినిమాతో సత్య స్టార్ కమెడియన్ అయ్యారన్నారు. ఇలాంటి మంచి కంటెంట్ ను ప్రోత్సహిస్తున్న నిర్మాతలకు శుభాకాంక్షలు తెలిపారు. సినిమా మ్యూజిక్ డైరెక్టర్ కాలభైరవ మాట్లాడుతూ.. బ్యాగ్రౌండ్ స్కోర్ ఇంత మంచిగా రావడానికి మా టీం అంతా చాలా కష్టపడ్డామని చెప్పారు. సినిమా చాలా పెద్ద హిట్ అవడం సంతోషంగా ఉందన్నారు. డైరెక్టర్ రితేష్ రానా చాలా క్లారిటీ ఉన్న డైరెక్టర్ అని ఆయనతో పని చేయడం సంతోషంగా ఉందని సక్సెనా రాజా అన్నారు. ఈ అవకాశం ఇచ్చిన ప్రొడ్యూసర్లకు థాంక్స్ చెప్పారు.
డిస్టిబ్యూటీర్ శశిధర్ మాట్లాడుతూ.. సినిమాను మొదటి నుంచి ప్రోత్సాహిస్తున్న మీడియాకు థాంక్స్ చెప్పారు. జాతిరత్నాలు తరువాత మళ్ళీ ఇలా ప్రేక్షకులంత ఎంజాయ్ చేస్తున్న చిత్రం మత్తువదలరా 2 అన్నారు. థియేటర్స్ పెంచమని చాలా కాల్స్ వస్తున్నట్లు చెప్పారు. సినిమాలో అన్ని విభాగాలు కుదిరాయని తెలిపారు. మత్తువదలరా2 నిర్మాత చెర్రీ మాట్లాడుతూ.. సినిమా ఇంత పెద్ద హిట్ కావడం చాలా సంతోషంగా ఉందన్నారు. ముఖ్యంగా ప్రేక్షకులకు థాంక్స్ చెప్పారు. ఈ చిత్రాన్ని కేవలం మల్టీప్లెక్ లొనే కాకుండా సింగల్ స్క్రీన్ ఆడియన్స్ కూడా చాలా ఎంజాయ్ చేస్తున్నారు. ఇది సినిమాకు మంచి పరిమాణం అని చెప్పారు. ఇక రితేష్ రానాకు చాలా క్లారిటీ ఉందని, కాలభైరవ అద్భుతమైన మ్యూజిక్ ఇచ్చారు, ఫైట్ మాస్టర్ ప్రతిభవంతుడని చెప్పారు. అలాగే డీఓపీ, ఎడిటర్ చాలా బాగా చేశారు అని తెలిపారు. అలాగే శ్రీ సింహ, సత్య గ్రేట్ జాబ్ అని కొనియాడారు. హీరో శ్రీ సింహా చాలా నేచురల్ గా చేశారు అని తెలిపారు. ఈ సినిమాలో ప్రతీ యాక్టర్ బాగా చేశారు అన్నారు.
మంచి రెస్పాన్స్ వస్తుందని, ఫస్ట్ పార్ట్ కన్నా సెకండ్ పార్ట్ చాలా బాగా వచ్చిందని కమెడియన్ సత్య చెప్పారు. ఆయనతో స్క్రీన్ పంచుకున్న ప్రతీ ఒక్కరికీ థాంక్స్ అని చెప్పారు. సింహ యాక్టింగ్ చాలా బాగుందన్నారు. రితేష్ రానా మాట్లాడుతూ.. ఈ రోజు తనకు చాలా ఆనందంగా ఉందని ఎందుకంటే నిర్మాత చెర్రీ హ్యాపీ గా ఉండడం నచ్చిందన్నారు. నిర్మాతలు బాగుండడం చాలా ముఖ్యం అన్నారు. మత్తువదలరా3 సైతం ఉంటుందని చెప్పారు. చివరిగా హీరో శ్రీసింహ మాట్లాడుతూ.. మొదటి చిత్రం మత్తు వదలరా ఇచ్చిన సంతోషానని పార్ట్ 2 రెట్టించి ఇచ్చిందన్నారు. ఈ అవకాశం ఇచ్చిన దర్శక నిర్మాతలకు థ్యాంక్స్ చెప్పారు. సత్యతో యాక్ట్ చేయడం చాలా సంతోషంగా ఉందన్నారు. ఈ చిత్రానికి పని చేసిన ప్రతీ ఒక్కరికీ థ్యాంక్స్ చెప్పారు.
Movie Title : Mathu Vadalara 2
Banners : Mythri Movie Makers, Clap Entertainment
Cast : Sri Simha, Vennela Kishore, Satya, Faria Abdullah, Rohini, Sunil
Story – Director : Ritesh Rana
Music : Kaala Bhairava
Editor : Karthika Srinivas
Cinematography : Suresh Sarangam
Producers : Chiranjeevi(Cherry), Hemalatha
