Nayanathara Birthday Special
నయనతార బర్త్ డే స్పెషల్
పేరుకు తగ్గట్టుగానే చక్రాల్లాంటి మెరిసేటి ఆ కళ్లతో టాలీవుడ్, కోలివుడ్ మాత్రమే కాదు బాలీవుడ్ ను సైతం తన వైపుకు తిప్పుకున్న సుందరిమణీ నయనతార. సినిమా పరిశ్రమకు వచ్చి రెండు దశాబ్దాలు అవుతున్నా ఏ మాత్రం వన్నె తగ్గని అందం, అభినయం ఆమెది. గ్లామర్ పాత్రలు వేస్తూనే హీరోతో పోటీపడే పోరాట సన్నివేశాలు చేయగలదు. తన ఇంటెన్న్ ఫర్ఫార్మెన్స్ తో ఆడియెన్స్ అబ్బురపరచగలదు. అందుకే నయనతార లేడీ సూపర్ స్టార్ అనే ట్యాగ్ పొందింది. డైరెక్టర్ విఘ్నేష్ శివన్ ను పెళ్లి చేసుకొని ఇద్దరి పిల్లలకు తల్లిగా కుటుంబ బాధ్యతలు నెరవేరుస్తూనే సినిమాల్లో రాణిస్తున్న బ్యూటీ నయనతార బర్త్ డే సందర్భంగా తన సినిమా జర్నీని ఒకసారి చూద్దాం.
నయనతార అసలు పేరు డయానా మరియం కురియన్. మలయాళీ కుటుంబంలో నవంబర్ 18, 1984లో జన్మించారు. బాల్యం అంతా బెంగళూరు, ఢిల్లీ, గుజరాత్‌లలో గడిపారు. తర్వాత తన కుటుంబంతో కలిసి కేరళలోని తిరువల్లకు షిఫ్ట్ అయ్యారు. సినిమాలపై ఆసక్తితో నయనతార మోడలింగ్ రంగంలోకి అడుగుపెట్టింది. ఆ తరువాత యాంకరింగ్ స్టార్ట్ చేసింది. తన 19 ఏట 2003లో నయనతార మలయాళ చిత్రం మనస్సినక్కరేతో వెండితెరకు పరిచయమయ్యారు. 2004లో మలయాళంలో విస్వయతుంబతు, నట్టురాజవు చిత్రాలలో నటించారు. 2005లో తమిళ పరిశ్రమలోకి అడుగుపెట్టారు. అయ్య, చంద్రముఖి చిత్రాలు తెరకెక్కాయి. రజనీకాంత్ తో ‘చంద్రముఖి’ తర్వాత నయనతార వెనుదిరిగి చూడలేదు. తెలుగులో ఎంట్రీ ఇచ్చింది. లక్ష్మీ, యోగి, దుబాయ్ సీను, తులసి వంటి చిత్రాలతో తెలుగు ప్రేక్షకులకు దగ్గరయ్యింది.
ఇలా సౌత్ ఇండియా లాంగ్వేజ్ లలో చిత్రాలు తీసీ 2023లో షారుఖ్ ఖాన్ తో జవాన్ మూవీతో బాలీవుడ్‌లోకి ఎంట్రీ ఇచ్చింది. భారీ హిట్ అందుకుంది. డైరెక్టర్ విఘ్నేష్ శివన్ ను పెళ్లి చేసుకొని కుటుంబబాధ్యతలు చూసుకుంటున్నా తన కెరీర్ ను మాత్రం అశ్రద్ద చేయడం లేదు. కేవలం నటీగానే కాకుండా సినిమాలను నిర్మిస్తూ తన అభిరుచిని చాటిచెబుతుంది. ప్రస్తుతం నయనతార చేతులో భారీ బడ్జెట్ చిత్రాలు ఉన్నాయి. తని ఒరవన్2, డియర్ స్టూడెంట్ వంటి చిత్రాలు ఉన్నాయి. మరిన్ని విజయవంతమైన చిత్రాలను అందించాలని లేడీ సూపర్ స్టార్ నయనతారకు బిజినెస్ ఆఫ్ టాలీవుడ్ తరఫున బెస్ట్ విషెస్ అందిస్తున్నాము.
