Nithin Birthday Special
నితిన్ పుట్టిన రోజు ప్రత్యేకత
నితిన్ తెలుగు సినిమా పరిశ్రమలో ప్రసిద్ధి చెందిన నటుడు. అసలు పేరు నితిన్ కుమార్ రెడ్డి, 1983 మార్చి 30న నిజామాబాద్‌లో జన్మించిన నితిన్, తన నటనా ప్రతిభతో తెలుగు ప్రేక్షకుల హృదయాలను గెలుచుకున్నాడు. 2002లో “జయం” చిత్రంతో సినీ ప్రస్థానాన్ని ప్రారంభించాడు. ఈ సినిమా ఘన విజయం సాధించడంతో అతను ఒక్కసారిగా యువతలో బాగా పాపులర్ అయ్యాడు.
“జయం” తర్వాత “దిల్”, “సై”, “ఇష్క్”, “గుండెజారి గల్లంతయ్యిందే” వంటి విజయవంతమైన చిత్రాలతో నితిన్ తన స్థానాన్ని సుస్థిరం చేసుకున్నాడు. మొదట్లో లవర్ బాయ్ ఇమేజ్‌తో ప్రారంభమైన అతను, క్రమంగా యాక్షన్, మాస్ సినిమాల్లోనూ తన ప్రతిభను చాటుకున్నాడు.
నితిన్ విజయాలు అంత సులభంగా రాలేదు. వరుసగా 13 చిత్రాలు విఫలమయ్యాయి. అయినా ఓపిక కోల్పోకుండా తన నటనా నైపుణ్యంతో మళ్లీ విజయాల బాట పట్టాడు. “ఇష్క్” చిత్రం అతనికి మళ్లీ ఒక కొత్త ఊపిరి పోసింది, ఆ తర్వాత “గుండెజారి గల్లంతయ్యిందే” వంటి సినిమాలు అతని కెరీర్‌ను ఉన్నత శిఖరాలకు చేర్చాయి. నితిన్ తన చిత్రాల్లో వైవిధ్యాన్ని చూపించడంలో ఎప్పుడూ ముందుంటాడు. “విక్టరీ” సినిమాలో సిక్స్ ప్యాక్ బాడీతో అభిమానులను ఆశ్చర్యపరిచాడు, అలాగే “హర్ట్ అటాక్” వంటి స్టైలిష్ యాక్షన్ సినిమాలతో యువతను ఆకర్షించాడు.
2020లో తన చిన్ననాటి స్నేహితురాలు షాలిని కందుకూరిని వివాహం చేసుకున్నాడు. 2024లో వీరిద్దరూ ఒక మగ బిడ్డకు జన్మనిచ్చారు. ఈ పుట్టిన రోజు సందర్భంగా నితిన్ అభిమానులు సోషల్ మీడియాలో #HBDNithiin హ్యాష్‌ట్యాగ్‌తో శుభాకాంక్షలు తెలియజేస్తున్నారు. తాజాగా ఆయన నటించిన రాబిన్ హుడ్ చిత్రం విడుదలై మంచి టాక్ తెచ్చుకుంది. ఈ సందర్భంగా నితిన్ మరిన్ని సినిమాలు తీస్తూ విజయవంతంగా ముందుకు వెళ్లాలని బిజినెస్ ఆఫ్ టాలీవుడ్ తరఫున బెస్ట్ విషేస్ అందిస్తున్నాము.
