Pushpa 2 Mania Allu Arjun Ruling
పుష్ప2 మేనియా అల్లు అర్జున్ రూలింగ్
ఐకాన్ స్టార్ అల్లు అర్జున్ క్రేజ్ ఇప్పుడు పాన్ ఇండియా దాటీ ప్రపంచవ్యాప్తంగా విస్తరించింది. సుకుమార్ దర్శకత్వంలో వచ్చిన పుష్ప ది రైజ్ చిత్రం ఎంతటి ప్రభంజనం సృష్టించిందో చూశాము. ఇప్పుడు దానికి సీక్వెల్ గా పుష్ప ది రూల్ విడుదలకు రంగం సిద్దం అయింది. ఈ సందర్భంగా దేశవ్యాప్తంగా పలు ఈవెంట్ లు చేస్తూ సందడి చేస్తున్నారు మూవీ మేకర్స్. ఇప్పుడు ఎక్కడ చూసినా పుష్ప సందడే కనిపిస్తుంది. ప్రేక్షకులంతా ఇంత ఆసక్తిగా ఎదురుచూడడానికి కారణం ఏంటీ? మూవీ లవర్స్ హుక్ చేసిన పాయింట్స్ ఏంటి అనేది ఒకసారి విశ్లేషిద్దాం.
అల్లు అర్జున్-సుకుమార్ కాంబినేషన్
అల్లు అర్జున్, సుకుమార్ కాంబినేషన్ లో పుష్పకి ముందు రెండు సినిమాలు వచ్చాయి. ఆర్యా చిత్రం దీని సీక్వెల్ గా వచ్చిన ఆర్యా2. ఆర్యా చిత్రం చాలా పెద్ద హిట్ అయింది. కొంత గ్యాప్ తరువాత వచ్చిన ఆర్యా2 పెద్దగా అలరించలేదు. ఆ తరువాత ఎవరి సినిమాల్లో వారు బిజీగా ఉన్నారు. ఆ తరువాత సుకుమార్ రంగస్థలం లాంటి బ్లాక్ బస్టర్ హిట్ అందుకున్నారు. అల్లు అర్జున్ అల వైకుంఠపురములో సినిమాతో సాలిడ్ హిట్ అందుకున్నారు. ఇక ఇద్దరు సక్సెస్ రేసులో ఉన్నవారే. దాంతో మైత్రీ మూవీ మేకర్స్ బ్యానర్ పై పుష్ప సినిమాను అనౌన్స్ చేశారు. మొదటి తెలుగు సినిమా అనుకున్నారు. అలానే తీశారు కూడా. అదే సమయంలో రాజమౌళి తెరకెక్కించిన బహుబలి చిత్రాల ప్రభావం అంతే కాకుండా రాజమౌళి ప్రొద్బలంతో పాన్ ఇండియా చిత్రంగా విడుదల చేశారు. ఇక ఫలితం గురించి తెలిసిందే.
పుష్ప పార్ట్ 2
సిినిమా ప్రారంభించినప్పుడు ఒకే భాగంలోనే చెప్పాలి అనుకున్నారు. కానీ కథ డిమాండ్ చేయడంతో రెండు భాగాలుగా విభజించారు. సుకుమార్ కూడా ఓ ఇంటర్వూలో మాట్లాడుతూ.. పుష్ప అంటే ప్లవర్ అనుకున్నావా.. ఫైర్.. అంటూ సునిల్ కి వార్నింగ్ ఇచ్చే సీన్ యాడ్ చేసి అక్కడ ఇంటర్ మిషన్ వేసినట్లు చెప్పారు. దాంతో పార్ట్ 2 కు పక్కా స్క్రీన్ప్లే సెట్ అయింది. సెకండ్ హాఫ్ లో పోలీస్ ఆఫీసర్ బన్వర్ సింగ్ షేకావత్ రావడంతో పుష్ప బిజినెస్ డల్ అవుతుంది. ఆ తరువాత పుష్పతో చేతులు కలపడం, ఆ క్రమంతో పుష్ప ఈగో హార్ట్ అవడంతో వీరిద్దరి మధ్య సంఘర్షణ ఏంటనేది పార్ట్ 2 కు లీడ్ ఇచ్చారు. పార్ట్ 3 కూడా ఉంటుంది అనే పుకార్లు ఉన్నాయి. కానీ టీమ్ అధికారికంగా ఎలాంటి ప్రకటన ఇవ్వలేదు.
పుష్ప2 ది రూల్ మేనియా
పుష్ప చిత్రం విజయవంతం అయిన తరువాత అల్లు అర్జున్ బర్త్ డే సందర్భంగా మూడు నిమిషాల ఒక వీడియోను రిలీజ్ చేశారు మేకర్స్. పుష్ప ఎక్కడి వెళ్లాడో ఎవరికీ తెలియదు, అసలు బతికే ఉన్నారా అన్న అనుమానం, కచ్చితంగా ఉన్నాడు అన్న కొందరి నమ్మకం.. అదే సమయంలో టీవీలో పులి పక్కనే నడుచుకుంటూ వెళ్తున్న పుష్ప బ్లాక్ అండ్ వైట్ లో కనిపిస్తాడు. ఆ ఒక్క వీడియో పుష్ప2 పై భారీ అంచనాలను రేపింది. అదే రోజు మరో పోస్టర్ ను విడుదల చేశారు. అమ్మవార గెటప్ లో ఉండే అల్లు అర్జున్ పోస్టర్ తెగ వైరల్ అయింది. ఆ తరువాత పుష్ప పుష్స పుష్ప పుష్స రాజ్ పాట విడుదలైంది. ఆ స్టెప్ కూడా చాలా వైరల్ అయింది. సుసెకి అంటూ మరో సింగిల్ అప్డేట్ ఇచ్చారు. పాట సూపర్ డూపర్ హిట్ అయింది. ఆ తరువాత టీజర్, ట్రైలర్ తగ్గేదే లే కాదు కాదు అస్సలు తగ్గేదే లే అనేలా ఉన్నాయి. ఇక ప్రమోషన్లు మొదలయ్యాయి. పాట్న, చెన్నై ప్రాంతాలలో జరిగిన ఈవెంట్స్ గ్రాండ్ సక్సెస్ అయ్యాయి. ఇప్పుడు అంతా పుష్ప ది రూల్ కోసం ఆసక్తిగా ఎదురుచూస్తున్నారు.
డిసెంబర్ 5 న విడుదల అవతున్న ఈ సినిమాపై ఇప్పటికే భారీ అంచనాలు ఉన్నాయి. అయితే సోషల్ మీడియాలో అల్లు అర్జున్ కు కొన్ని వ్యతిరేక పోస్టులు కూడా వస్తున్నాయి. అవేవి లెక్కచేయకుండా ఈ సినిమా నుంచి వచ్చిన ప్రతీ అప్టేడ్ దూసుకెళ్లిపోతుంది. రీసెంట్ గా వచ్చిన స్పెషల్ సాంగ్ కూడా యూట్యూబ్ లో మిలియన్ల వ్యూస్ సాధిస్తుంది. ఈ లెక్కన చూస్తే పుష్ప 2 సౌండ్ గట్టిగానే వినిపించేలా ఉంది. చూడాలి మరి బాక్స్ ఆఫీస్ వద్ద అల్లు అర్జున్ తాండవం.
